Matiu 24:44 - EBƆRƐ BE KAWƆL

⁴⁴ To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.

Matiu 24:44 ပူးပေါင်းရင်းမြစ်များ

Matiu 24:27

Ŋkpal manɛ so, kananɛ bɔrɛ bee shi epeŋilarkpa n nyɛkpɛ n ya fo epeŋitɔrkpa na gbagba nɛ ma, Nyiŋgbasa Pibinyɛn be keba na beeŋ baa du.

Matiu 24:42

Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.

Matiu 24:43

Men baa nyi fanɛ laŋwura kama baa nyi kanyɛso be saŋɛ nɛ eyu beeŋ ba mbe laŋ to, e maaŋ di n shin nɛ eyu na e ba tintiŋ n luri mbe kowu to m ba yuri.

Matiu 25:10

B ka wɔ ekpa to a yɔ nɛ b ya tɔ keresin na nɛ kejafɔ mo kul na malɛ ba. Ndoŋ nna nɛ bumo nɛ b daŋ wora shiriya na tu kejafɔ mo kul na n luri nɛ b ya ji kejafɔ to be kejigboŋ na. Kumo be kaman nɛ b ti ebu na be kabuna.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Luuk 12:39

Men baa nyi fanɛ laŋwura kama baa nyi saŋɛ nɛ eyu beeŋ ba mbe laŋ to e maaŋ shin nɛ eyu na e ba tintiŋ n luri mbe kowu m ba yuri.

Luuk 12:40

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.”

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Filipaiebi 4:5

Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Jeems 5:9

Ŋ kurgepoana, men sa maa bile asheŋ a sa abar nɛ Ebɔrɛ e kaŋɛ fanɛ men wora kulubi. Men keni, a ka gbrɛbi nɛ an kikɛ be Demujipo na e tu anyi.

Kelaraŋŋini 19:7

Men shin nɛ anyi be ŋgbene e fuli anyi n dese nɛ an sa mo kemaŋkura. Ŋkpal manɛ so, Kpakpafɔlbi be kejafɔachɛ na fo nɛ mbe kejafɔ malɛ gba bela ase n loge.