Matiu 24:43 - EBƆRƐ BE KAWƆL

⁴³ Men baa nyi fanɛ laŋwura kama baa nyi kanyɛso be saŋɛ nɛ eyu beeŋ ba mbe laŋ to, e maaŋ di n shin nɛ eyu na e ba tintiŋ n luri mbe kowu to m ba yuri.

Matiu 24:43 ပူးပေါင်းရင်းမြစ်များ

Job be kawɔl 24:16

Kanyɛso nɛ beyu bee bure a luri basa be elaŋ to, ama kare baŋ chɛ nɛ b shile ŋ ŋana, ŋkpal manɛ so, b maa sha kefulto be asheŋ.

Aŋasa 7:19

Ma kul maŋ wɔ epe, e yɔ kade wɔfɔ ko nna.

Matiu 14:25

Koshinyɛn juŋkparso nɛ Yesu nite nchu na so m ba bumo kutɔ.

Matiu 20:11

Ndoŋ nna nɛ b fara a bile asheŋ a gbiti kudɔ na wura a kaŋɛ:

Matiu 24:42

Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.

Matiu 24:44

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.

Matiu 25:10

B ka wɔ ekpa to a yɔ nɛ b ya tɔ keresin na nɛ kejafɔ mo kul na malɛ ba. Ndoŋ nna nɛ bumo nɛ b daŋ wora shiriya na tu kejafɔ mo kul na n luri nɛ b ya ji kejafɔ to be kejigboŋ na. Kumo be kaman nɛ b ti ebu na be kabuna.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Maak 13:35

Amoso, men baa da so, ŋkpal manɛ so, menyi maŋ nyi saŋɛ nɛ kowu na wura bee ba. K beeŋ tiŋ a la kaaseso ŋko kiidiso ŋko karechɛso ŋko chipurso.

Maak 6:48

E wu fanɛ ekuloŋ na be kefar ka bee nu mbe bebɛsopo, ŋkpal manɛ so, afu daa kpata kumo nna. Amoso, koshinyɛn juŋkparso e nite nchu na so m ba bumo kutɔ.

Luuk 12:38

Hale nɛ e ba kiidiso ŋko saŋkama gba m ba tu bumo nɛ b bela ase a keni a jo mo, baaŋ nu ebel ga.

Luuk 12:39

Men baa nyi fanɛ laŋwura kama baa nyi saŋɛ nɛ eyu beeŋ ba mbe laŋ to e maaŋ shin nɛ eyu na e ba tintiŋ n luri mbe kowu m ba yuri.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Kelaraŋŋini 3:3

Amoso, men baa nyiŋi asɔ nɛ men daŋ sɔ nseŋ nu na kikɛ. Men baa bɛ amo so nseŋ lar alubi to. Nɛ men baŋ maŋ tiŋi men be loŋ be kebaawɔtɔ na to, meeŋ ba fanɛ eyu nɛ men maaŋ pin saŋɛ nɛ meeŋ purgi menyi.