Matiu 24:38 - EBƆRƐ BE KAWƆL

³⁸ Ŋkpal manɛ so, pɔɛŋ nɛ nchugboŋ na ba na basa daa wɔtɔ nna a ji a nuu nɛ benyɛn bee ta beche nɛ beche malɛ bee yɔ kakil to hale loŋ nɛ kachako nɛ Nowa ya luri ekuloŋgboŋ na to na.

Matiu 24:38 ပူးပေါင်းရင်းမြစ်များ

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Jɛnesis 7:23

Ebɔrɛ daŋ mur kusɔ futeso kama nyam nɛ k daa wɔ kasawule so nna. Nowa nɛ bekama nɛ b daŋ ti mo so na nɛ asɔbɔya nɛ mbuibi nɛ asɔ gbeyeso nɛ a daa wɔ kuloŋgboŋ na to na nawule e daŋ ka.

Jɛnesis 7:7

Ama Nowa bre nɛ mbe eche nɛ mbe bibinyɛn nɛ bumo be beche daŋ luri kuloŋgboŋ na to nna nɛ nchu na maŋ mur bumo.

Matiu 22:30

Ŋkpal manɛ so, ketiŋi luwu to be jemanɛ na basa beeŋ ba kaa du fanɛ emalaika nɛ b wɔ ebɔrɛso na nna. Benyɛn maaŋ ba kaa ta beche, beche malɛ maaŋ ba kaa yɔ kakil to.

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Luuk 12:45

Ama nɛ fanɛ kenya na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba’, nseŋ fara a bri anya nɛ b ka na, benyɛn nɛ beche kikɛ nsaa wɔtɔ a ji a nuu nsaa nuu nsa a boo,

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.