Matiu 24:31 - EBƆRƐ BE KAWƆL

³¹ Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Matiu 24:31 ပူးပေါင်းရင်းမြစ်များ

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 67:7

Ebɔrɛ beeŋ nɛfa anyi, nɛ durnya to be basa kikɛ e bunyaŋ mo.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Ɛksodɔs 19:16

Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 42:10

Men boŋ kashɛ popɔr n sa Enyɛnpe Ebɔrɛ na; nɛ durnya to be basa kikɛ e boŋ kashɛ ŋ kpaŋ mo! Menyi nɛ menyee nite teku so, e kpaŋ Enyɛnpe Ebɔrɛ na; nɛ asɔ keniso kikɛ nɛ a wɔ teku to e, kpaŋ mo! Menyi nɛ men wɔ mplasawule nɛ a wɔ kufɔ kufɔ na so, e kpaŋ Enyɛnpe Ebɔrɛ na.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 49:18

Keni ŋ kulti fo! Feeŋ wu fo basa ka bɛta a ba epe. Ma, Enyɛnpe Ebɔrɛ ka baa wɔtɔ ere bre, feeŋ baa puchi fo basa so nsaa wu fo kumu, fanɛ kananɛ kejafɔche bee ta mbe abitasɔ a mea to nsaa ji kebita a ŋini basa na.

Aizaaya 60:4

Men keni ŋ kulti kusɔ nɛ k bee wora ere. Menyi be basa bee gama abar so nna nɛ b bɛta m ba epe! Menyi be mbinyɛnsobi beeŋ shi kufɔ, kufɔ m ba, nɛ b keta menyi be mbichesobi enɔ to fanɛ mbibi m ba sa menyi.

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Zakareya 2:6

Kumo be kaman nɛ Enyɛnpe Ebɔrɛ na kaŋɛ mbe basa le: “Ma e daŋ pesaŋ menyi to n sɔ kaplɛkama. Ama naniere men shile Babilɔn be efuli nɛ k wɔ kelargato be esoso na so m bɛta m ba Jerusalɛm to.”

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

Matiu 13:41

Kumo be jemanɛ na ma, Nyiŋgbasa Pibinyɛn beeŋ shuŋi ma emalaika nɛ b chala asɔ kama nɛ a bee shin nɛ basa bee wora a da Ebɔrɛ so na nɛ alubiworapoana kikɛ nyam ashi ma kuwura ere to

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 24:32

Men shin nɛ kakuluwudibi e ŋini menyi kusɔ ko. Kumo be ayabi gbagba baŋ ya ki kefitiri bumbuŋ a du bɛlɛbɛlɛbi n fara a purge na, kumo be jemanɛ na nɛ menyee pin kebleŋ be saŋɛ ka taga to.

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Maak 13:27

Meeŋ shuŋi ma emalaika durnya ere to be abonfu ana na to nɛ b ya yili durnya ere to nɛ esoso be kebonfu ko to n chala ma basa laraso n ya fo durnya ere nɛ ebɔrɛso be ekar m ba ma kutɔ.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Baru lela nɛ Jɔn kute na 11:52

Mannɛ bumo nɛ b daa wɔ efuli na so na nawule gba, ama e daa shin nɛ e wu n sa Ebɔrɛ be mbia nɛ b daŋ pesaŋ to a wɔ mboŋ pɔtɛana na kikɛ gba, saŋɛ na so e beeŋ bar bumo abar so n shin nɛ b ba ki kukoŋwule.

Romebi 10:18

Ama kesheŋ bishiso nɛ ŋ kɔ nde: “Kashenteŋ nna fanɛ b maŋ nu kubɔya na a?” Cha, b nu. Loŋ malɛ nɛ abɔrɛsibɛ na bee kaŋɛ na fanɛ: “Bumo be ebɔl fo kasawule ere so be kaplɛkama nɛ bumo be mmalga yɔ durnya ere be ekar kikɛ.”

1 Kɔrintebi 15:52

K beeŋ wora epul to nna manaŋ fanɛ kenishi ka ŋe to na, saŋɛ nɛ lalaloge be kabel na beeŋ shu na. Kabel na kaŋ shu, bubuni beeŋ tiŋi n nya kiyoyu to be eyur nɛ a maaŋ naŋ mur na, saŋɛ na malɛ nɛ anyi kikɛ bee chɛrga na.

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

Ditɛronɔmi 30:4

Hale nɛ men pesaŋ to n yɔ durnya be efuli kama nɛ k wɔ kufɔ kufɔ gba, Enyɛnpe menyi be Ebɔrɛ na beeŋ naŋ gama menyi abar so m bɛta menyi m ba;

Ditɛronɔmi 4:32

Men bishi asheŋ to nɛnɛ a laŋɛ dra na be kaplɛa so. Kumo e la fanɛ pɔɛŋ nɛ b kurge menyi na hale n ya fo jemanɛ nɛ Ebɔrɛ to edimɛdi na nseŋ to kenishi ŋ keni durnya ere kikɛ to, kusɔ gboŋgboŋi ko fanɛ kede daŋ wora kikɛ a? Esa daŋ nu le be kesheŋ ere ŋ ku so a?

1 Tɛsalɔnikaebi 4:16

Kumo be kamɔnchɛ menyeeŋ nu kaponte nɛ malaika nimuso be ebɔl nɛ Ebɔrɛ be kabel be kushu, saŋɛ na so nɛ Enyɛnpe na gbagba e shi ebɔrɛso m ba. Bumo nɛ b yirda Yesu Kristo pɔɛŋ nseŋ wu na e naaŋ juŋkpar n tiŋi luwu to.

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

Hibruwebi 12:19

Kebee koŋwule na so nɛ kabel daŋ shu nɛ ebɔl daŋ ponte to na. Basa na ka nu ebɔl na nɛ b kule Mosis fanɛ b sa maŋ naŋ nu mmalga kama n ti so.

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.