Matiu 24:3 - EBƆRƐ BE KAWƆL

³ Kamalga na be kaman nɛ Yesu lar ndoŋ n ya kaa tase Ɔlifs be kebee na so nɛ bebɛsopo na ŋana m ba mo kutɔ m ba bishi mo: “Kaŋɛ anyi saŋɛ mo nɛ kesheŋ nɛ fo malga na beeŋ ba nɛ manɛ malɛ e naaŋ ŋini fanɛ fo keba na be jemanɛ taga to nɛ durnya be ekar na malɛ fo.”

Matiu 24:3 ပူးပေါင်းရင်းမြစ်များ

Matiu 13:36

Ade be kaman nɛ Yesu yige jimaŋ na nseŋ luri laŋ to. Ndoŋ nna nɛ mbe bebɛsopo ba bishi mo le: “Fo maaŋ kaŋɛ anyi asɔ duuso lubi nɛ b duu kudɔ to na be kifito a?”

Matiu 13:49

Lalaloge be jemanɛ na, loŋ nɛ asheŋ beeŋ baa du. Amo be jemanɛ na, emalaika beeŋ nite n chala basa lubiana ashi belela to n ta bumo n lɛ n wɔtɔ edɛ wuloŋwuloŋ to.

Matiu 15:12

Ade be kaman nɛ mbe bebɛsopo na ba mo kutɔ m ba bishi mo le: “Fo nyi fanɛ kusɔ nɛ fo kaŋɛ na maŋ par Efarisiana na a?”

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 17:19

Kesheŋ ere be kaman nɛ bebɛsopo na ŋana m ba bishi Yesu: “Manɛ e ba nɛ anyi ere maŋ tiŋ n ju kiyoyu lubi na?”

Matiu 21:1

A ka ba ka gbrɛbi nɛ Yesu nɛ mbe bebɛsopo e luri Jerusalɛm be kade to nɛ b fo Bɛtfagi be kade to nɛ k wɔ ɔlifs be kebee so ase na. Ndoŋ nna nɛ e ta le be kubɔya ere n shuŋi bebɛsopo na be benyɔ ŋ kaŋɛ bumo:

Matiu 24:27

Ŋkpal manɛ so, kananɛ bɔrɛ bee shi epeŋilarkpa n nyɛkpɛ n ya fo epeŋitɔrkpa na gbagba nɛ ma, Nyiŋgbasa Pibinyɛn be keba na beeŋ baa du.

Matiu 24:30

Saŋɛ na so ma, Nyiŋgbasa Pibinyɛn be tɔɔnɛ beeŋ lar awɔlpa so, nɛ durnya ere to be efuliana kikɛ to ebi e shu. Baaŋ wu ma, Nyiŋgbasa Pibinyɛn nɛ eleŋ nɛ kemaŋkura gboŋ ka wɔ awɔlpa so a ba.

Matiu 24:37

Ma, Nyiŋgbasa Pibinyɛn na be keba beeŋ ba kaa du fanɛ kananɛ Nowa be jemanɛ daa du na gbagba nna le chap.

Matiu 24:39

B daa maŋ nyi kusɔ nɛ k daa shin nɛ k wora pɔɛŋ nɛ nchugboŋ na ba mur bumo kikɛ nyam. To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn na beeŋ ba na.

Matiu 24:43

Men baa nyi fanɛ laŋwura kama baa nyi kanyɛso be saŋɛ nɛ eyu beeŋ ba mbe laŋ to, e maaŋ di n shin nɛ eyu na e ba tintiŋ n luri mbe kowu to m ba yuri.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Luuk 21:7

Ndoŋ nna nɛ b bishi mo: “Eŋinipo, saŋɛ mo nɛ kesheŋ nɛ fo malga na beeŋ wora? Nɛ jemanɛ na malɛ ba kaa taga to, manɛ e naaŋ ŋini fanɛ kumo be loŋ be saŋɛ na fo?”

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Hibruwebi 9:26

Nɛ mannɛ aloŋ nna e daa beeŋ yili kasɔto be jemanɛ na kikɛ n ji tɔrɔ ale damta loŋ m ba fo kabre. Ama kumo alɛ, kela koŋwule pati nɛ e lar efuli so saŋɛ nɛ jemanɛ kama to be ekar beeŋ fo na nseŋ ta mo gbagba be kumu n lara sarga nɛ k kpra alubi ashi basa kikɛ so.