Matiu 24:29 - EBƆRƐ BE KAWƆL

²⁹ Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Matiu 24:29 ပူးပေါင်းရင်းမြစ်များ

Kaŋinichiŋgeliŋ 12:2

Loŋ be jemanɛ na, epeŋi nɛ kufɔl nɛ achɛkpabi maaŋ naa fuli to nɛnɛ a sa fo, ŋkpal fo anishi ka maa naa wu nɛnɛ so. Nɛ kewora fanɛ bɔrɛwɔlpa ka buu fo so jemanɛ kikɛ na.

Aizaaya 13:10

Kefulto maaŋ naa wɔtɔ, ŋkpal manɛ so achɛkpabi nɛ a wɔ esoso na kikɛ beeŋ fulto ŋ gben nɛ epeŋi e pete nseŋ biri to nɛ kufɔl malɛ gba e fuli to ŋ gben.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 34:4

Epeŋi nɛ kufɔl nɛ achɛkpabi kikɛ beeŋ foe basa be anishi so nɛ b bɔɔ awɔlpa fanɛ kelaŋ na. Kusɔ kama nɛ k wɔ awɔlpa so beeŋ tɔr to fanɛ afantaŋ ŋko asɔrso ka bolo kedibi so n chuge n tɔr to na.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 3:15

Loŋ be kachɛ na, epeŋi nɛ kufɔl beeŋ nyɔ m biri to ŋ ki le tuum, nɛ achɛkpabi e fuli to ŋ gben.

Eemɔs 5:20

Enyɛnpe Ebɔrɛ be demujiachɛ na, beeŋ baa la tentembiri nna mina mannɛ kefulto. Kefulto gbrɛ kama maaŋ ba wɔtɔ loŋ be kacha na.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Matiu 24:21

Ŋkpal manɛ so, kachɛ na be tɔrɔ beeŋ ba kaa chɔ tɔrɔ kama nɛ k ba basa so, yili durnya be sososo na kikɛ m ba fo mbre. Tɔrɔ kama malɛ maaŋ naŋ ba m ba fo kumo so kikɛ.

Matiu 24:8

Le be asɔ ere kikɛ du fanɛ kakurge be ebesa juŋkparso nna.

2 Pita 3:10

Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.