Matiu 24:27 - EBƆRƐ BE KAWƆL

²⁷ Ŋkpal manɛ so, kananɛ bɔrɛ bee shi epeŋilarkpa n nyɛkpɛ n ya fo epeŋitɔrkpa na gbagba nɛ ma, Nyiŋgbasa Pibinyɛn be keba na beeŋ baa du.

Matiu 24:27 ပူးပေါင်းရင်းမြစ်များ

Job be kawɔl 38:35

Fo e naa kaŋɛ bɔrɛ nɛ k bee nyɛkpɛ a? Nɛ fo e naa kaŋɛ kumo, k bee nu a sa fo a?

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Ezikɛl 1:14

Bumo alɛ daa yɔ anishito nsaa bɛta kaman manaŋ manaŋ nna fanɛ bɔrɛ ka bee nyɛkpɛ na.

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

Malakai 3:2

Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Malakai 4:5

Ama pɔɛŋ nɛ ma Enyɛnpe Ebɔrɛ be kachɛ lubi nɛ k beeŋ shin nɛ kufu nɛ kechicha chicha e pɛ basa na e ba, meeŋ shuŋi anebi Elaija menyi kutɔ.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 24:26

Amoso, nɛ esa kama baŋ kaŋɛ menyi le: ‘Men keni, Kristo na e wɔ kiyi to na,’ men sa maŋ kaŋ yɔ ndoŋ ŋko nɛ b kaŋɛ menyi le: ‘Men keni Kristo na e wɔ ebu ere to na,’ men sa maŋ kaŋ yirda kumo.

Matiu 24:3

Kamalga na be kaman nɛ Yesu lar ndoŋ n ya kaa tase Ɔlifs be kebee na so nɛ bebɛsopo na ŋana m ba mo kutɔ m ba bishi mo: “Kaŋɛ anyi saŋɛ mo nɛ kesheŋ nɛ fo malga na beeŋ ba nɛ manɛ malɛ e naaŋ ŋini fanɛ fo keba na be jemanɛ taga to nɛ durnya be ekar na malɛ fo.”

Matiu 24:37

Ma, Nyiŋgbasa Pibinyɛn na be keba beeŋ ba kaa du fanɛ kananɛ Nowa be jemanɛ daa du na gbagba nna le chap.

Matiu 24:39

B daa maŋ nyi kusɔ nɛ k daa shin nɛ k wora pɔɛŋ nɛ nchugboŋ na ba mur bumo kikɛ nyam. To, loŋ gbagba be kebaawɔtɔ nɛ basa beeŋ baa kɔ kachɛ nɛ ma, Nyiŋgbasa Pibinyɛn na beeŋ ba na.

Matiu 24:44

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.

Matiu 8:20

Nɛ Yesu kaŋɛ mo: “Ejiŋkaamu kɔ abeelaŋ a di to nɛ mbuibi malɛ kɔ asha, ama ma, Nyiŋgbasa Pibinyɛn maŋ kɔ kakpa nɛ meeŋ dese n wushi.”

Jeems 5:8

To, menyi alɛ gba e baa kɔ kanyiti loŋ a yil to nɛnɛ, ŋkpal manɛ so, an Nyɛnpe be kenaŋ bɛta mba be saŋɛ na bee taga to.

2 Pita 3:4

Baaŋ kaŋɛ le: “Mannɛ mo e nase kumo fanɛ e beeŋ naŋ ba na a? To, nɛ e wɔ nnɛ? An tutoana ka baŋ wu kikɛ, asheŋ baa du kananɛ a du yili durnya be faraŋko na kikɛ nna.”