Matiu 24:24 - EBƆRƐ BE KAWƆL

²⁴ Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 24:24 ပူးပေါင်းရင်းမြစ်များ

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Matiu 22:14

Amo alɛ kikɛ be kifi to e la fanɛ basa damta nɛ b tre, ama bumo to be gbrɛ nɛ b lara.”

Matiu 24:11

Nɛ anebi fɛpoana damta e lar n fule basa damta.

Matiu 24:22

Nɛ Ebɔrɛ malɛ daa maŋ ku nchɛ na so, esa kikɛ daa maaŋ nya kumɔlga. Ama ŋkpal mbe basa laraso so e beeŋ ku nchɛ na so.

Matiu 24:25

To, n wule ŋ kaŋɛ menyi n yili nna na.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Matiu 24:5

Ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la Ebɔrɛ be esa laraso Kristo na,’ nseŋ fule basa damta.

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Baru lela nɛ Jɔn kute na 4:48

Nɛ Yesu kaŋɛ mo le: “Nɛ men be ekama baa maŋ wu mamachi be etɔɔnɛsheŋ, men maa yirda kikɛ.”

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 6:39

Esa nɛ e shuŋi ma na malɛ be aparsheŋ nde fanɛ n sa maŋ kaŋ paŋ basa nɛ e ta m bɔɔ ma enɔ na kikɛ be ekama, ama e yili kumo nna fanɛ n tiŋi bumo ashi luwu to lalaloge be kachɛ na.

Ashuŋ Shunso 20:16

Pɔɔl daa sha kekpar Ɛfeses so nna n yɔ, ŋkpal manɛ so, e daa maŋ naa sha kenaŋ n chɛr Eeshia be efuli so. E daa kuse nna nɛ e ya fo Jerusalɛm ta a ba Pɛntekɔst be kachɛgboŋ na, nɛ e beeŋ tiŋ nna na.

Romebi 12:18

Men baa wora ania kanaŋkamaso nɛ menyeeŋ tiŋ nɛ menyi nɛ basa kikɛ e baa wɔ kagbenewushi be kebaawɔtɔ to.

Galeeshaebi 4:15

Naniere, manɛ e wora men be kagbenefuli nɛ men daŋ nya na? Nɛ esa bishi ma, n daa beeŋ tiŋ ŋ kaŋɛ fanɛ nɛ k daa la kewora kusɔ ko nna gba, men daa beeŋ chule men be anishi gba n sa ma.

Ditɛronɔmi 13:1

Ade kikɛ be kaman, nɛ Mosis naŋ kaŋɛ Israɛlebi na le: “Anebiana ŋko basa nɛ baa kute edare be afito beeŋ ba kaŋɛ menyi fanɛ emamachisheŋ beeŋ wora menyi to

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

1 Jɔn 2:22

Esa mo malɛ e baa la efɛpo nɛ mannɛ esa nɛ e bee kaŋɛ fanɛ mannɛ Yesu e la Kristo, Ebɔrɛ be esa laraso na. Loŋ be esa e la Kristo mo doŋ na, emo nɛ e bee kini Ebɔrɛ Etuto na nɛ Ebinyɛn na kikɛ na.

1 Jɔn 5:18

An baa nyi fanɛ Ebɔrɛ pibi kama maa shir a wɔ alubi to a wora amo, ŋkpal manɛ so, Ebɔrɛ Pibinyɛn e naa kuŋ mo nɛ alubipo na e sa maŋ tiŋ n doro mo.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.