Matiu 24:16 - EBƆRƐ BE KAWƆL

¹⁶ Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Matiu 24:16 ပူးပေါင်းရင်းမြစ်များ

Aŋasa 22:3

Enyiashempo baaŋ wu kenishipere ka bee ba e bee gelge kumo nna, ama esa nɛ e maa pin asheŋ to manaŋ manaŋ bre bee suse kumo to nna; kumo be kaman nɛ e wora n daa nyi nna.

Jɛremaya 44:29

Ma, Enyɛnpe Ebɔrɛ na beeŋ ŋini menyi kusɔ ko nɛ k shin nɛ men pin fanɛ meeŋ gberge menyi kusoe nfe nseŋ naŋ pin fanɛ ŋ ka nase kɔnɔ fanɛ meeŋ mur menyi na la kashenteŋ nna.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Matiu 24:17

Esa kama nɛ e wɔ mbe kuchoŋi so e sa maŋ naŋ gbelge n ya ta asɔ nɛ a wɔ mbe ebu to.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.