Matiu 24:15 - EBƆRƐ BE KAWƆL

¹⁵ Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Matiu 24:15 ပူးပေါင်းရင်းမြစ်များ

Jɛremaya 44:29

Ma, Enyɛnpe Ebɔrɛ na beeŋ ŋini menyi kusɔ ko nɛ k shin nɛ men pin fanɛ meeŋ gberge menyi kusoe nfe nseŋ naŋ pin fanɛ ŋ ka nase kɔnɔ fanɛ meeŋ mur menyi na la kashenteŋ nna.

Ezikɛl 40:4

Kumo be kaman nɛ kanyɛn na kaŋɛ ma le: “Dimɛdi pibi, bugi anishi nɛ asoe ŋ keni nseŋ nu kusɔ nɛ mee sha keŋini fo ere nɛnɛ, ŋkpal manɛ so, loŋ so nɛ m bar fo nfe. Feeŋ kaŋɛ Israɛl be basa na kusɔ kama nɛ fo wu.”

Danɛl 1:6

Danɛl nɛ Hananiya nɛ Mishaal nɛ Azariya nɛ b shi Juda be yiri to na daŋ ti basa nɛ b daŋ lara na so nna.

Danɛl 11:31

Benapo na be beko beeŋ shin nɛ bɔrɛlambu na e sa maŋ naa du cheembi nseŋ shin nɛ b yige karechɛ kama be sarga be kebaa lara. Kumo be kaman nɛ b niŋi Edɔsopogboŋ na be kapɔrduli na to n yili n shin nɛ kusɔ kama e jija.

Danɛl 12:11

Yili saŋɛ nɛ b yige kebaalara karechɛ kama be esarga na n ya fo saŋɛ nɛ b ŋini Edɔsopogboŋ na to n yili na beeŋ baa la fanɛ nchɛ kagboŋ nɛ alfa anyɔ nɛ adekpanu nna.

Danɛl 9:23

Saŋɛ nɛ fo fara a kule kabɔrɛkule na kikɛ nɛ Ebɔrɛ nu fo kekule na. Ebɔrɛ bee sha fo nna amoso nɛ m ba nɛ m ba kaŋɛ fo kabɔrɛkule na be atuwebi. Amoso kaŋ kusoe n nu kusɔ nɛ mee shin nɛ ŋ kaŋɛ fo naniere.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Matiu 24:16

Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Maak 13:14

Men baŋ ya wu edɔsopogboŋ nɛ e bee shin nɛ kemur bee ba na ka yil kakpa nɛ k maŋ daga na, fo nɛ fee kraŋ fo pin kesheŋ ere be kifito! Men baŋ ya wu loŋ be asheŋ, men shin nɛ bumo nɛ b wɔ Judiya be efuli so na e shile n yɔ abee ase.

Luuk 19:43

Ŋkpal manɛ so, saŋko beeŋ ba nɛ men doŋana e ba pɔr egbal ŋ kulti menyi be kade ere nseŋ chambɔ kaba kama so ŋ kulti kade na

Luuk 21:20

Jemanɛ nɛ men baŋ wu benapo ka kulti Jerusalɛm na, men baa nyi fanɛ kade na be kemur be jemanɛ taga to.

Baru lela nɛ Jɔn kute na 11:48

An baŋ yige mo nɛ e wɔtɔ a wora le be asheŋ ere, ekama beeŋ yirda mo nɛ Romebi na e ba m ba jija anyi be bɔrɛlambu ere nseŋ ta anyi be efuli ere kikɛ n ti so.”

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

Ashuŋ Shunso 6:13

nseŋ shin nɛ basa ko ba ku efɛ n deŋi mo ŋ kaŋɛ: “Saŋkama kanyɛn ere bee malga a gbiti anyi be bɔrɛlambu cheembi na nɛ Mosis be mbra nna.

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.

Kelaraŋŋini 1:3

Nɛfa la ekama nɛ e bee kraŋ abɔrɛsheŋ be kewuŋkaŋɛ be mmalga ere nɛ bekama nɛ baa nu amo nsaa ta asɔ nɛ n sibɛ n wɔtɔ amo to a wɔtɔ bumo be ŋgbene to na peya nna, ŋkpal manɛ so, amo be saŋɛ na bee taga to.

Kelaraŋŋini 3:22

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na.’ ”