Matiu 23:8 - EBƆRƐ BE KAWƆL

⁸ Ama a maŋ daga men ka bee shin nɛ b baa tre menyi rabai, ŋkpal manɛ so, men kikɛ la keniopibi nna a kɔ Eŋinipo koŋwule.

Matiu 23:8 ပူးပေါင်းရင်းမြစ်များ

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 23:10

Menyi alɛ e sa maŋ shin nɛ b baa tre menyi benyɛnpe gba, ŋkpal manɛ so, Enyɛnpe koŋwule nɛ men kɔ, mo e la Kristo na.

Matiu 23:7

Baa sha fanɛ basa e baa tu bumo kebɛ to a chɔrɔ bumo bunyanso ga nseŋ naa sha fanɛ b baa tre bumo rabai, kumo e la fanɛ eŋinipo.

Matiu 26:25

Nɛ Judas nɛ e daa debɔr mo na malɛ gba kaŋɛ Yesu le: “M baa nyi fo ka maŋ de ma ere ŋko, Eŋinipo?” Nɛ Yesu shuli ŋ kaŋɛ: “Mm, fo nna.”

Matiu 26:49

B ka fo ndoŋ nɛ Judas yɔ Yesu kutɔ epul na to n ya kaŋɛ mo le: “Eŋinipo, mee chɔrɔ!” Nseŋ pipe Yesu be kegbuŋ kechɔrɔso.

Maak 10:51

Nɛ Yesu bishi mo: “Manɛ nɛ fee sha fanɛ n wora n sa fo?” Nɛ tanpo na kaŋɛ: “Enyɛnpe, mee sha ŋ ka naŋ nya ma anishi nna a wu.”

Maak 11:21

Nɛ Pita nyiŋi kusɔ nɛ k wora na nseŋ kaŋɛ Yesu: “Keni Eŋinipo, figi be kedibi nɛ fo so kɔnɔ na wu.”

Maak 14:45

B ka fo ndoŋ nɛ Judas yɔ Yesu kutɔ epul na to n ya kaŋɛ mo le: “Eŋinipo!” Nseŋ pipe Yesu be kegbuŋ kechɔrɔso.

Maak 9:5

Ndoŋ nna nɛ Pita kaŋɛ Yesu: “Eŋinipo, anyi be kebaawɔ nfe ere nyalɛ ga. Anyeeŋ yuu abuu asa nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.”

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Baru lela nɛ Jɔn kute na 1:38

Ndoŋ nna nɛ Yesu gbɛ ŋ keni nɛ b bɛ mo so nɛ e bishi bumo: “Manɛ nɛ menyee fin?” Nɛ b bishi mo: “Rabai, nnɛ nɛ fo wɔ?” Rabai be kifito e la eŋinipo.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 11:8

Ndoŋ nna nɛ b kaŋɛ mo: “Eŋinipo, nchɛnnyɔ ere to nɛ Juwebi na daa sha kekpa fo ajembu ndoŋ nɛ fo naa kaŋɛ fanɛ an yɔ ndoŋ a?”

Baru lela nɛ Jɔn kute na 20:16

Ndoŋ nna nɛ Yesu tre mo: “Mɛɛri.” Nɛ Mɛɛri kilgi a yɔ Yesu be kaba so nseŋ boŋ to Juwebi be ŋgbar to ŋ kaŋɛ: “Rabonai!” Kumo be kifito e la eŋinipo.

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 3:26

Ndoŋ nna nɛ Jɔn be bebɛsopo yɔ mo kutɔ n ya kaŋɛ mo le: “Eŋinipo, fo nyiŋi kanyɛn nɛ fo nɛ mo daa la ashi Jɔɔdan be lɔr be kaba ndoŋ na ŋko? Kanyɛn nɛ fo daŋ ji mbe shɛda na. Keni, e wɔtɔ a bɛr basa kabɔrɛbɛr nɛ basa kikɛ shile a yɔ mo kutɔ.”

Baru lela nɛ Jɔn kute na 4:31

Kesheŋ ere ka bee wora kade to le ere nɛ Yesu be bebɛsopo malɛ bee kule mo fanɛ e ji ajibi a kaŋɛ mo: “Eŋinipo, wora ania n ji kusɔ ko.”

Baru lela nɛ Jɔn kute na 6:25

B ka ya wu mo kepagboŋ na be kaba ere so ndoŋ nɛ b bishi mo: “Eŋinipo, saŋɛ mo nɛ fo fo nfe?”

Baru lela nɛ Jɔn kute na 9:2

Ndoŋ nna nɛ mbe bebɛsopo bishi mo le: “Eŋinipo, kanyɛn ere gbagba be alubi so nɛ e tan ere ŋko mo nio nɛ mo tuto bre e wora alubi?”

2 Kɔrintebi 1:24

Men baa nyi fanɛ mannɛ fanɛ anyee sha keŋini menyi kenimu nna ashi yirda na to, ama kusɔ nɛ anyee wora e la fanɛ anyee tu menyi nna a wora asheŋ ŋkpal men be kenya kagbenefuliso so. Yirda malɛ so nɛ men yil kpakpa na.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Ɛfesesebi 3:15

nɛ ebɔrɛso nɛ kasawule so be kebɛso be kakurge kikɛ bee nya kumo be ketre ashi mo to na kumuli na.

Failimɔn 1:16

Naniere e maŋ naa la kenya, e chɔ kenya. E ki ma nɛ fo kikɛ be ekurgepo shaso naniere. Mee sha mo ga, ama kasha nɛ feeŋ baa kɔ a sa mo beeŋ baa shi a chɔ meya ere, ŋkpal manɛ so, e la fo kenya nna nseŋ naa yirda Enyɛnpe na.

Jeems 3:1

Ŋ kurgepoana, men be bedamta e sa maa kɔ a fin fanɛ men ki beŋinipoana, ŋkpal manɛ so, asheŋ nɛ Ebɔrɛ beeŋ yili so n ji anyi beŋinipo demu shi a chɔ basa pɔtɛ peya.

1 Pita 5:3

Men sa maa ŋini bumo nɛ Ebɔrɛ ta m bɔɔ menyi enɔ na kenimu, men baa la basa nɛ mbolpɔbi na beeŋ tiŋ ŋ keni so n wora asheŋ.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”