Matiu 23:34 - EBƆRƐ BE KAWƆL

³⁴ To, mee shuŋi anebiana nɛ benyiashempo nɛ beŋinipo menyi kutɔ nna na, ama menyeeŋ mɔ bumo be beko nseŋ ta beko ŋ gbir m mata kedibi largato so nseŋ bri beko malɛ ashi menyi be nshɛrbuana to n ju bumo ashi kade ko to n yɔ kepɔtɛ to.

Matiu 23:34 ပူးပေါင်းရင်းမြစ်များ

2 Bewura 21:10

Kachako nɛ Enyɛnpe Ebɔrɛ bɔla mbe nyɛrbi anebiana na so ŋ kaŋɛ le:

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Jɛremaya 26:8

Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Matiu 10:23

Kade kama nɛ men yɔ nɛ b ya kaa tɔrɔ menyi, men lar ndoŋ n shile n yɔ kepɔtɛ to. Kashenteŋto, ma e kaŋɛ menyi na fanɛ men maaŋ loge men be ashuŋ kikɛ ashi Israɛl be efuli ere so be kade kama to pɔɛŋ nɛ ma, Nyiŋgbasa Pibinyɛn e ba.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 23:31

To, menyi gbagba e baa ji shɛda a kaŋɛ fanɛ men ka la bumo nɛ b mɔ anebiana na be benanabi na.

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Baru lela nɛ Jɔn kute na 20:21

Nɛ Yesu naŋ kaŋɛ bumo: “Kagbenewushi e baa wɔ menyi to. Kananɛ Etuto na shuŋi ma na nɛ ma alɛ gba bee shuŋi menyi na.”

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 11:27

Jemanɛ na so nɛ anebiana ko shi Jerusalɛm n yɔ Antiɔk.

Ashuŋ Shunso 12:2

Mo e daŋ shin nɛ b ta tokobi ŋ ŋe Jɔn mo sipo Jeems m mɔ na.

Ashuŋ Shunso 13:1

Anebiana nɛ beŋinipo ko daa wɔ Antiɔk be asɔriebi na to. Bumo be atreana e daa la Baanabas nɛ Saimɔn, emo nɛ baa tre esa lembir na nɛ Sairini be Lisias nɛ Maneeyen, emo nɛ b daŋ bela mo nɛ Gomena Hɛrɔd na nɛ Sɔɔl.

Ashuŋ Shunso 14:19

Juwebi ko daŋ shi Pisidia be Antiɔk nɛ Ikoniam m ba kilgi jimaŋ na be ŋgbene nseŋ kpa Pɔɔl ajembu ŋ gbɛ mo n lar kade na to n ya lɛ a tama fanɛ e wu na.

Ashuŋ Shunso 15:32

Judas nɛ Sailas nɛ bumo alɛ gba daa la anebiana na daŋ malga n chɛr ga a ŋini bekurgepoana na asheŋ n leŋ bumo to.

Ashuŋ Shunso 5:40

Ndoŋ nna nɛ nshɛrwuraana na nu Gameelial be kamalga na. Nɛ b tre beshuŋipo na m ba shin nɛ b kuya bumo so nseŋ fiɛ bumo so fanɛ b sa maŋ kaŋ naŋ ta Yesu be ketre m malga kikɛ. Kumo be kaman nɛ b sa bumo ekpa nɛ b yɔ.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

1 Kɔrintebi 3:10

Ebɔrɛ be kuwɔr be kakɛ mo nɛ e sa ma na e shin nɛ n tiŋ n nase ebu na be gbaltɔlase na fanɛ epɔrpo nyipo na n sa basa nɛ baa pɔr a yili so. Ama a daga fanɛ ekama e baa de kananɛ e bee pɔr kumo so.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

1 Tɛsalɔnikaebi 2:16

Kumɔlga be kubɔya nɛ an daŋ bar nnyamase na gba, Juwebi na daa maa sha an ka bɔ kumo n sa nnyamase na. Loŋ so, bumo be asheŋ lubi daa ti so nna saŋkama. Naniere malɛ Ebɔrɛ be agbo kaa bumo so.

Hibruwebi 11:37

Ŋkpal yirda so, b daŋ kpa beko ajembu m mɔ nseŋ daŋ chaŋɛ bede to ntuŋnyɔso nseŋ ta tokobi m mɔ bede malɛ. Ŋkpal yirda koŋwule na so beko daŋ dela mbolpɔ be nwɔl nɛ mboe be nwɔl nna a wɔ ketir to nɛ tɔrɔ nɛ nfɛlso be kekɔrfɛ to.

Kelaraŋŋini 11:10

Kasawule so be basa be ŋgbene beeŋ fuli bumo ŋkpal basa anyɔ na be luwu so. Baaŋ ji bumo be amuana nseŋ kɛ ŋ kɛ abar asɔ ŋkpal kananɛ anebi anyɔ na daŋ bar kasawule ere so ebi tɔrɔ nsaa maŋ naa wɔtɔ na so.