Matiu 23:2 - EBƆRƐ BE KAWƆL

² “Mbraŋinipoana na nɛ Efarisiana na yil anebi Mosis be katelamu to nna.

Matiu 23:2 ပူးပေါင်းရင်းမြစ်များ

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Matiu 23:3

Amoso, men baa nu a sa bumo a wora kusɔ kama nɛ baa kaŋɛ menyi. Ama men sa maa wora asheŋ nɛ baa wora, ŋkpal manɛ so, b maa bɛ asɔ nɛ baa kaŋɛ menyi na so.

Maak 12:38

Yesu be keŋini na to nɛ e kaŋɛ bumo: “Men baa de mbraŋinipoana so. Bumo e naa sha kebaabuu epiŋi tenteŋ a nite a kilgi to nɛ b baa chɔrɔ bumo bunyanso na.

Luuk 20:46

“Men baa de mbraŋinipoana na so. Bumo e naa sha kebaabuu epiŋi tenteŋ a nite a kilgi to nɛ basa e baa tu bumo kebɛ to a chɔrɔ bumo bunyanso na. Bumo e naa sha kebaachena bunyaŋ be mbɛ so ashi nshɛrbuana to nseŋ naa sha kejigboŋ to be bunyanso be echenakpaana na.

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.