Matiu 23:16 - EBƆRƐ BE KAWƆL

¹⁶ Bejuŋkparpo tanpoana ere, asheŋ maaŋ nyalɛ n sa menyi kikɛ. Men yɛ fanɛ nɛ esa baŋ ta bɔrɛlambu na be ketre m bɔ ntaŋ, k maŋ la shɛŋ, ama ekama nɛ e bɔ bɔrɛlambu na to be amansherbi na bre daga e ka wora kusɔ nɛ e bɔ fanɛ e beeŋ wora na.

Matiu 23:16 ပူးပေါင်းရင်းမြစ်များ

Aizaaya 9:16

Basa nɛ baa juŋkpar basa ere shin nɛ b foe ekpa nna nseŋ mel to kikɛ.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Matiu 23:17

Betanpo wulpo ere, bɔrɛlambu na nɛ kumo to be amansherbi na, kumo e chɔ? Amansherbi na e chɔ ŋko bɔrɛlambu nɛ k shin nɛ amansherbi na ki cheembi na e chɔ?

Matiu 23:19

Betanpo ere, kakɛ na nɛ bɔrɛsure na, kumo e chɔ? Kakɛ na e chɔ ŋko bɔrɛsure nɛ k shin nɛ kakɛ na ki cheembi na e chɔ?

Matiu 23:24

Bejuŋkparpo tanpo ere, menyi e naa gbo kusɔ firgisobi ashi men be kusɔnuuso to a lɛ nsaa min nyɔma!

Matiu 23:26

Farisi tanpo ere, baa juŋkpar a fɔr nwiebi na nɛ mba na be epunana to pɔɛŋ nɛ amo be mmanto e nyalɛ so.

Galeeshaebi 5:3

Men shin nɛ n naŋ laŋɛ ŋ kaŋɛ menyi kenishipereso, ekama nɛ e shin nɛ b ku mo kututu, kumo ere a daga fanɛ amodoŋwura ka bɛ mbra na so kikɛ nyam.

Jeems 5:12

Ŋ kurgepoana, men baa nyiŋi le be kenishipere be kamalga ere fanɛ saŋkama nɛ men baŋ kaŋɛ fanɛ menyee wora kesheŋ, men sa maa bɔ a ti so. Men sa maa ta ebɔrɛso ŋko kasawule so be ketre ŋko kusɔ kikɛ be ketre a bɔ. Men shin nɛ men be mm e baa la mm nɛ men be m-m e baa la m-m. Nɛ menyee wora loŋ, men maaŋ wora n da so nɛ Ebɔrɛ e ji menyi demu.