Matiu 22:32 - EBƆRƐ BE KAWƆL

³² Ebɔrɛ yɛ: ‘Ma e la Eebraham be Ebɔrɛ nɛ Aizek be Ebɔrɛ nɛ Jeekɔb be Ebɔrɛ.’ Ebɔrɛ maŋ la bubuni be Ebɔrɛ. E la basa nɛ b wɔ ŋkpa to be Ebɔrɛ nna.”

Matiu 22:32 ပူးပေါင်းရင်းမြစ်များ

1 Bewura 18:36

Kaaseso be saŋɛ nɛ baaŋ lara sarga na ka fo, nɛ anebi Elaija yɔ bɔrɛsure na ase n ya kule Ebɔrɛ ŋ kaŋɛ le: “O Enyɛnpe, Eebraham nɛ Aizek nɛ Jeekɔb be Ebɔrɛ, shin nɛ basa ere e pin fanɛ fo e la Israɛl be Ebɔrɛ nɛ ma alɛ la fo kayɛrbi nsaa bɛ fo kɔnɔ so a wora asheŋ ere kikɛ.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Matiu 22:31

To, ketiŋi luwu to na malɛ be asheŋ, men maŋ naŋ kraŋ kusɔ nɛ Ebɔrɛ kaŋɛ menyi na nna a?

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Ashuŋ Shunso 7:32

‘Ma e la fo nanaana be Ebɔrɛ na, Eebraham nɛ Aizek nɛ Jeekɔb be Ebɔrɛ.’ Nɛ kufu pɛ Mosis ga nɛ e chicha a maŋ naŋ tiŋ nɛ e keni kakpa na.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.