Matiu 22:3 - EBƆRƐ BE KAWƆL

³ Keji be saŋɛ ka ba fo nɛ e shuŋi mbe anya fanɛ b ya kaŋɛ basa nɛ e daŋ tre na fanɛ b baa ba, ama b kini keba.

Matiu 22:3 ပူးပေါင်းရင်းမြစ်များ

Nshɛ 68:11

Fo e sa mbra na, nɛ beche damta cha awɔr, ŋ kaŋɛ kusɔ nɛ k wora.

Aizaaya 30:15

Kumo be kaman nɛ Enyɛnpetale, Israɛl be Ebɔrɛ cheembi na kaŋɛ basa na le: “Men bɛta m ba kaa yirda ma nsaa du boeŋ. Aloŋ nɛ menyeeŋ nya eleŋ nɛ kekuŋgboŋ.” Ama men kini kewora loŋ!

Jɛremaya 25:4

Enyɛnpe Ebɔrɛ na shuŋi anebi damta nɛ b la mbe mbɔ menyi kutɔ, ama menyi maŋ nu n sa bumo.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Hoziya 11:2

Ama saŋɛ nɛ m pere kenishi a tre bumo na, nɛ bumo alɛ pere kenishi a shile ma. Bumo alɛ maŋ yige sarga be kebaa lara nɛ duwu be kebaa chɔɔ a sa Baal be kegbir na.

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Zefanaiya 1:7

Men wora shruum ashi Enyɛnpetale Ebɔrɛ na be anishito, ŋkpal manɛ so, mbe demujiachɛ na taga to. E bela ase nɛ e ta mbe basa n lara sarga nseŋ kela n tre bedoŋ fanɛ b ba kɔ Juda kena n suge bumo be asɔ eleŋ so.

Matiu 21:34

Asɔrso na be kechuge be jemanɛ ka ya fo nɛ e shuŋi mbe anya ko paawuraana na kutɔ fanɛ b ya sɔ mbe asɔrso na m bar mo.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 9:15

Nɛ Yesu bishi bumo: “Menyee sha fanɛ kejafɔ to be befɔ ka chena nɛ kagbenejija nna a? Akai, loŋ maŋ daga, ŋkpal manɛ so, kejafɔ mo kul wɔtɔ nna. Ama jemanɛ ko bee ba nɛ b lara kejafɔ mo kul na bumo to, saŋɛ na so nawule nɛ baaŋ kishi.”

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 15:28

Nɛ mo tuto lar m ba kule mo fanɛ e wushi kagbene nseŋ luri a ba.

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Baru lela nɛ Jɔn kute na 5:40

Ama menyi alɛ maa sha keba ŋ kutɔ m ba nya ŋkpa na.

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

Romebi 10:21

Le nɛ e kaŋɛ fanɛ Ebɔrɛ kaŋɛ Israɛlebi malɛ be asheŋ: “M bugi enɔ to nna saŋkikɛ nɛ n sɔ menyi, nɛ menyi be asoe maa nu asheŋ nɛ men wɔtɔ a ji ma eleŋ emɔrɔ na.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.

1 Samuɛl 9:13

Men baŋ luri kade na to, menyeeŋ wu mo pɔɛŋ nɛ e yɔ kakpa nɛ baa lara sarga na. Basa na maaŋ fara a ji sargajibi na ama e baŋ ya nɛfa amo na pɔɛŋ. Nɛ men baŋ yɔ naniere, menyeeŋ tu mo pɔɛŋ nɛ e yɔ ndoŋ.”