Matiu 22:15 - EBƆRƐ BE KAWƆL

¹⁵ Ade be kaman nɛ Efarisiana lar n ya wora kɔnɔ fanɛ b ya lute Yesu kɔnɔ n shin nɛ e malga nɛ b yili mbe mmalga na so n nya mo.

Matiu 22:15 ပူးပေါင်းရင်းမြစ်များ

Nshɛ 2:2

Nɛ manɛ nna nɛ amo be bewura nɛ bejuŋkparpoana bee wora kɔnɔ a kini kenu n sa Enyɛnpe Ebɔrɛ nɛ mbe esa lara so na?

Nshɛ 41:6

Bekama nɛ baa ba kaa bɔɔ ma so na, bee malga mmalga fuloŋ nawule nna. B baŋ naŋ laŋɛ a yɔ malɛ ŋkuli nɛ efɛ nɛ b kɔ a salga to a yɔ.

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 59:3

Enyɛnpe Ebɔrɛ, keni kananɛ b ŋana m pugi a jo ma. Basa lubi bee kre ma ŋkre lubi nna, a fin ma nɛ b mɔ. Ma alɛ maŋ wora bumo shɛŋ, ŋko n wora kulubi ko n da bumo so.

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Matiu 12:14

Kede malɛ be kaman nɛ Efarisiana na lar n ya to jina kananɛ baaŋ wora m mɔ Yesu.

1 Kɔrintebi 7:35

Men be kechɛto so so nɛ mee kaŋɛ asheŋ ere na, m maa sha fanɛ n nyaŋ menyi nna. M baa sha fanɛ men baa wora asɔ nɛ a niŋi nsaa bɔla ekpa nna a kɔ kagbene koŋwule be kasha a shuŋ Enyɛnpe ŋkaa maŋ naŋ ka mba ko.

Hibruwebi 12:3

Men fɛ kananɛ e maŋ ta kekishi damta mo nɛ alubiworapoana daŋ ta n tu mo na kikɛ n tre shɛŋ na be asheŋ ŋ keni, saŋɛ na so men maaŋ pɔ aba n shin nɛ menyi be ŋgbene e baa jija menyi.