Matiu 22:12 - EBƆRƐ BE KAWƆL

¹² Nɛ e bishi mo le: ‘N teri, nuso nɛ fo wora n luri nfe ŋkaa maa kɔ kejafɔ to be asɔbuuso?’ Nɛ kanyɛn na la to.

Matiu 22:12 ပူးပေါင်းရင်းမြစ်များ

Job be kawɔl 5:16

Mo e naa sa betirpo tama a shin nɛ kemaa ji asheŋ nɛ amo be ekpa so bee ba ekar.

Nshɛ 107:42

Menyeeŋ wu le be asheŋ ere nɛ menyi be ŋgbene e fuli, ŋkpal men ka bee wora Enyɛnpe Ebɔrɛ na kasonu so. Ama kumukpakpasowuraana bre maaŋ nya nnɔ bugi gba.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 2:26

Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Matiu 20:13

Nɛ kudɔ na wura kaŋɛ bumo be emo nɛ e malga na le: “Keni, n teri m maŋ puni fo nna, ŋkpal manɛ so, ma nɛ fo maŋ ji nna n yili fanɛ ŋ ka fo lebra be kachɛ koŋwule be kakɔka a?

Matiu 26:50

Nɛ Yesu malɛ kaŋɛ mo: “Eteri, baŋ wora kusɔ nɛ k bar fo.” Ndoŋ nna nɛ basa na ba choŋ n nyaŋ Yesu m pɛ mo.

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

Taites 3:11

Baa nyi fanɛ loŋ be esa be nfɛra maŋ walɛ. Alubi nɛ e wɔtɔ a wora nɛ alubi na malɛ gba bee ŋini e ka maŋ kɔ kashenteŋ.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.