Matiu 21:5 - EBƆRƐ BE KAWƆL

⁵ “Kaŋɛ Zayɔn be kade to ebi: ‘Keni men be Ewura ka du boeŋ n dii kurma a ba menyi kutɔ. Kusɔbɔya pibi, kakurmabi nɛ e dii.’ ”

Matiu 21:5 ပူးပေါင်းရင်းမြစ်များ

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

2 Samuɛl 16:2

Ndoŋ nna nɛ Deevid bishi mo le: “Manɛ nɛ fee sha nɛ fo wora asɔ ere kikɛ?” Nɛ Ziba yɛ: “Yiramu, ekurma ere bre la fo laŋ to ebi peya nna nɛ b baa dii. Ebodobodo ere nɛ asɔrso na malɛ la fo basa be kusɔ jiso nna. Nsa ere malɛ beeŋ chɛ bumo to saŋɛ nɛ b nite kiyi to ŋ gben na.”

1 Bewura 1:33

nɛ e kaŋɛ bumo le: “Men keta ma benimuana ere be beko n ya shin nɛ m pibi Sɔlɔmɔn e dii ŋ gbagba be kurma n chena so nɛ men bɛ mo so ŋ keta mo n yɔ kebuye nɛ baa tre Gihɔn na ase,

1 Bewura 10:26

Mbe egbaŋɛturko nɛ egbaŋɛ daŋ baa wora keshi nna hale m ba fo egbaŋɛturko kagboŋ nɛ alfa ana nɛ egbaŋɛ malɛ ŋgboŋ kuduanyɔ. E daŋ yige beko Jerusalɛm nna nseŋ yige beko malɛ ndegboŋ na be ako to.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 40:9

Fo nɛ fo kɔ baru lela a ba Zayɔn na, e dii n yɔ kebee jeŋgreŋ na so. Fo nɛ fo kɔ baru lela a ba Jerusalɛm to na, bugi kɔnɔ m ponte awɔrso; maŋ kumo so nsaa maa lɔ kufu. Kaŋɛ nde nɛ a wɔ Juda be efuli so na le: “Menyi be Ebɔrɛ bee ba!”

Aizaaya 62:11

Kusɔ nɛ Enyɛnpe Ebɔrɛ na bee kaŋɛ nsaa sha fanɛ durnya to be basa kikɛ e nu nde: “Kaŋɛ basa nɛ b wɔ Jerusalɛm to fanɛ Enyɛnpe Ebɔrɛ na bee ba nɛ e ba mɔlga bumo. Men keni, basa nɛ e sɔ n yige na nɛ e kɔ a ba.”

Ezikɛl 34:24

Saŋɛ na so nɛ ma Enyɛnpe Ebɔrɛ na e baa la bumo be Ebɔrɛ, nɛ ewura nɛ e du fanɛ ma kayɛrbi ewura Deevid na e baa la bumo be ejuŋkparpo. Ma, Enyɛnpe Ebɔrɛ e kaŋɛ na

Ezikɛl 37:24

Ewura nɛ e du fanɛ ma kayɛrbi Deevid e naaŋ baa la bumo be ewura nɛ bumo kikɛ e wora kɔnɔkoŋwule a wɔ mbe kaseto nseŋ ta kashenteŋji a bɛ ma mbraana so.

Hoziya 1:7

Ma Enyɛnpe nɛ n la Juda be Ebɔrɛ na beeŋ wu Juda be basa bre kuwɔr nseŋ mɔlga bumo. Mannɛ kena ŋko tokobi so ŋko ata nɛ amo be atanyembi so ŋko egbaŋɛ ŋko egbaŋɛdiipo so nɛ meeŋ bɔla so m mɔlga bumo.”

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Nɔmbɛs 24:19

Ejuŋkparpo ko beeŋ ba lar Israɛl kachako m mur basa nɛ b ka kade na to kikɛ.”

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 2:2

“Nnɛ nɛ kebia nɛ b kurge nɛ e la Juwebi be ewura na wɔ? Mbe kechɛkpabi e lar epeŋilarkpa be kasawule so nɛ an wu kumo nseŋ ba nɛ an ba bunyaŋ mo.”

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Matiu 21:6

Ndoŋ nna nɛ bebɛsopo na ya wora kusɔ nɛ Yesu kaŋɛ fanɛ b ya wora na.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

Ditɛronɔmi 17:16

Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.

Demujipoana 12:14

E daa kɔ bibinyɛn adena nɛ benanabi adesa nna nɛ bumo be ekama malɛ daa kɔ kurma a dii. Nfɛ aburwa nɛ Abdɔn daŋ juŋkpar Israɛlebi.

Demujipoana 5:10

Menyi nɛ menyee dii ekurma fuful, a chena ataa be egaare so, nɛ menyi nɛ menyee bɔ aya a nite na, e kaŋ asoe n nu