Matiu 21:41 - EBƆRƐ BE KAWƆL

⁴¹ Nɛ b yɛ: “E beeŋ shin nɛ basa lubi na e wu luwu lubi nseŋ naŋ ta kudɔ na m ber basa pɔtɛ paa, bumo nɛ baaŋ chuge asɔrso na amo be jemanɛ na nsaa ta kudɔ na wura peya a sa mo.”

Matiu 21:41 ပူးပေါင်းရင်းမြစ်များ

Nshɛ 2:9

Feeŋ ta fo kebɛlso be kuwurkpabi n ji amo so kuwura. Fo alɛ beeŋ bure amo to fanɛ ebɔ be kapuya na

Aizaaya 65:15

Ma, Enyɛnpetale Ebɔrɛ na beeŋ shin nɛ men wu nɛ ma basa laraso e ta menyi be atre a sho basa nnɔ. Ama meeŋ sa basa nɛ baa nu a sa ma na bre atre popɔr.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Zakareya 12:12

Kasawule na so be esa kikɛ ashi kanaŋ kama to beeŋ shu keeli. Benyɛn na bee barga bumo be amu ashi beche na to nna a shu. Ewura Deevid nɛ Neetan nɛ Livai nɛ Shimei be nnaŋ to ebi nɛ nnaŋ mo nɛ e ka na kikɛ to ebi gba be benyɛn nɛ beche beeŋ barga to a shu ntuŋ so.”

Zakareya 13:8

Kasawule na so be basa na be ntuŋ asa to be ntuŋ anyɔ beeŋ wu m mur nɛ katuŋ koŋwule nawule e ka.

Matiu 21:34

Asɔrso na be kechuge be jemanɛ ka ya fo nɛ e shuŋi mbe anya ko paawuraana na kutɔ fanɛ b ya sɔ mbe asɔrso na m bar mo.

Matiu 21:40

Nɛ Yesu bishi basa na le: “To, kudɔ na wura kaŋ ba, manɛ nɛ e beeŋ wora paawuraana na?”

Matiu 21:43

Amoso, ma e kaŋɛ menyi na fanɛ baaŋ sɔ Ebɔrɛ be kuwura na menyi kutɔ n sa basa nɛ baaŋ sɔr kumo be asɔrso.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Luuk 20:16

E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:

Ashuŋ Shunso 15:7

B daŋ keni kumo to loŋ nɛ Pita ya niŋi to n yili ŋ kaŋɛ: “Ŋ kurgepoana, men nyi fanɛ ma nɛ Ebɔrɛ daŋ lara menyi to dra na kikɛ fanɛ n ya bɔ baru lela na be kubɔya na n sa nnyamase nɛ b nu nseŋ yirda.

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

Ashuŋ Shunso 28:28

Nɛ Pɔɔl naŋ kaŋɛ: “Amoso, men baa nyi fanɛ Ebɔrɛ shuŋi basa nɛ baa bɔ mbe kumɔlga be kubɔya na nnyamase gba kutɔ. Bumo ere beeŋ bugi asoe n nu.”

Ashuŋ Shunso 28:8

Pablias mo tuto be eyur daŋ bel edɛ nna nɛ e dese ebu to a lɔ epun to nɛ Pɔɔl luri mbe ebu na to n ta mbe enɔana n deŋi mo so nseŋ kule Ebɔrɛ n sa mo nɛ e nya alenfia.

1 Tɛsalɔnikaebi 2:16

Kumɔlga be kubɔya nɛ an daŋ bar nnyamase na gba, Juwebi na daa maa sha an ka bɔ kumo n sa nnyamase na. Loŋ so, bumo be asheŋ lubi daa ti so nna saŋkama. Naniere malɛ Ebɔrɛ be agbo kaa bumo so.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.