Matiu 21:19 - EBƆRƐ BE KAWƆL

¹⁹ Ndoŋ nna nɛ e wu figi be kedibi ko ka yil ekpakar nɛ e yɔ kumo ase, ama e maŋ ya nya shɛŋ kumo so, afantaŋ nawule nɛ e wu. Nɛ e kaŋɛ kumo le: “Fo maaŋ naŋ sɔr asɔrso kikɛ!” Epul na to nɛ kedibi na wɔl.

Matiu 21:19 ပူးပေါင်းရင်းမြစ်များ

Aizaaya 5:2

N teri na daŋ pulgi kasawule na to nna, n tise kumo so be ajembu kikɛ pɔɛŋ; nseŋ duu afeelebi lela kumo so. Kumo be kaman nɛ e pɔr egbal a kuŋ amo, nseŋ pɔr ebu jeŋgreŋ ko nɛ baaŋ baa yili so a keni kudɔ na nseŋ kur kemaŋ nɛ baaŋ baa nyaŋ asɔrso na a wɔtɔ. E daa tama fanɛ asɔrso na beeŋ wora nɛnɛ nseŋ pere a wɔ ebel nna, ama amo kikɛ daa du nyaŋnyaŋ nna.

Jɛremaya 8:13

N daa sha kegama ma basa fanɛ kananɛ edɔpo bee chala mbe adɔjibi abar so nna, ama b du fanɛ kedibi sɔrso nɛ k maŋ kɔ asɔrso kumo so nɛ kumo be afantaŋ gba gbaŋgbaŋ n tɔr to na nna. Amoso nɛ n sa ekpa fanɛ basa pɔtɛ e ba sɔ kasawule na n chena so na.”

Matiu 21:20

Bebɛsopo na ka wu loŋ nɛ k chinchiŋ bumo ga nɛ b bishi Yesu: “Nuso nɛ figi be kedibi ere wora n wu epul ere to loŋ?”

Maak 11:14

Nɛ Yesu kaŋɛ figi be kedibi na: “Ekama maaŋ naŋ ji efigi fo so kikɛ.” Nɛ mbe bebɛsopo na nu kusɔ nɛ e kaŋɛ na.

Maak 11:20

Kumo be ŋklade be kachipurso b ka na ekpa na to, b wu figi be kedibi na nɛ k wu hale n ya luri kumo be nliŋi to.

Luuk 3:9

Men du fanɛ ndibi sɔrso nna. Kekama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.”

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Baru lela nɛ Jɔn kute na 15:6

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

2 Timoti 3:5

Baaŋ ba kaa kɔ abɔrɛsheŋ na ketreso nsaa kini amo be eleŋ. Baa gelge loŋ be basa!

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

Juud 1:12

Nɛ le be basa ere baŋ tu menyi n chena kakpa nɛ asɔriebi bee shɛr a ji a ŋini abar kasha, k du fanɛ asɔ lubi ka do kusɔ fuful so nna. Baa paŋ anishinyɔr nna a tase a ji a nuu a keni bumo nawule be amu so. B du fanɛ bɔrɛ ka mɔl nna nɛ afu ta awɔlpa na n choŋ nɛ bɔrɛ na gboŋi na nna. K maŋ kɔ tɔnɔ kikɛ kuraa. B naa du fanɛ ndibi sɔrso mo nɛ a maŋ kɔ asɔrso amo be kesɔr be saŋɛ na nna, amoso, b du fanɛ ndibi mo nɛ a wu nɛ b tia amo nna nɛ k ki fanɛ a wu nna na kuraa.

Kelaraŋŋini 22:11

Esa kama nɛ e bee wora alubi e baa kraa wora amo, ekama malɛ nɛ e kɔ eyurpi mo to e baa kraa du loŋ. Ekama nɛ e bee wora alela e baa kraa wora alela na nɛ ekama malɛ nɛ e du cheembi e baa kraa du cheembi loŋ.”