Matiu 21:14 - EBƆRƐ BE KAWƆL

¹⁴ Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ.

Matiu 21:14 ပူးပေါင်းရင်းမြစ်များ

Aizaaya 35:5

Etanpo beeŋ naŋ nya anishi a wu, nɛ ekpawu e nya asoe a nu.

Matiu 21:15

Ama bɔrɛmatapowuraana na nɛ mbraŋinipoana na ka wu emamachisheŋ nɛ e daŋ wora na nseŋ naŋ wu kananɛ mbia daa wɔ bɔrɛlambu na akpa a ponte a kaŋɛ: “Hosana e baa la ewura Deevid mo Nanabi peya!” Nɛ agbo pɛ bumo,

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 9:35

Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.