Matiu 20:4 - EBƆRƐ BE KAWƆL

⁴ Nɛ e kaŋɛ bumo: ‘Menyi alɛ gba e yɔ ma ndibi be kudɔ to n ya shuŋ nɛ ŋ ka menyi kanaŋkamaso nɛ k daga.’

Matiu 20:4 ပူးပေါင်းရင်းမြစ်များ

Matiu 20:3

Ta a ba fanɛ kerfi akpanu chipurso nɛ e naŋ lar n ya wu basa ko malɛ nɛ b yil kebɛ to kenyanyaŋɛso.

Matiu 20:5

Ndoŋ nna nɛ b yɔ. Nɛ e naŋ lar fanɛ kerfi kuduanyɔ nɛ kaaseso kerfi asa be saŋɛ n naŋ ya wora loŋ gbagba gbiiŋ.

Matiu 9:9

Kede be kaman nɛ Yesu lar ndoŋ a yɔ n ya wu lamposɔpo nɛ baa tre Matiu na nɛ e tase mbe eshuŋkpa nɛ Yesu kaŋɛ mo: “Bɛ ma so.” Nɛ Matiu koso m bɛ mo so.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Kɔlɔsiebi 4:1

Benyɛnpeana, men baa kɔ men be anya to kpakpa a keni bumo so nɛnɛ nsaa nyi fanɛ menyi alɛ gba kɔ Enyɛnpe ebɔrɛso.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.