Matiu 20:30 - EBƆRƐ BE KAWƆL

³⁰ Betanpo anyɔ ko malɛ daa tase ekpakar nseŋ nu fanɛ Yesu e naa choŋ nɛ b boŋ to n tre Yesu a kaŋɛ: “Enyɛnpe, Ewura Deevid mo Nanabi, wu anyi kuwɔr.”

Matiu 20:30 ပူးပေါင်းရင်းမြစ်များ

Nshɛ 146:8

Mo koŋwule na e naa bugi etanpo be anishi. Mo e naa pɛ bumo nɛ b tɔr to a niŋi to a yili nsaa sha basa nɛ bumo be kebaawɔtɔ niŋi.

Aizaaya 29:18

Kachɛ na kaŋ fo, ekpawu beeŋ nu b kaa bee kraŋ kawɔl awɔrso nɛ etanpo, nɛ b wɔ tentembiri to, e bugi anishi a wu.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 42:18

Nɛ Enyɛnpe Ebɔrɛ na naŋ kaŋɛ le: “Ekpawu, men nu nfe! Menyi, etanpo malɛ e keni n wu nɛnɛ!

Aizaaya 59:10

nɛ anyee la a fin ekpa fanɛ etanpo. Kapiidi gba anyi maa wu ekpa to nsaa fiti fanɛ kanyɛso ŋko fanɛ an ka wɔ nchaŋ to na.

Matiu 13:4

E ka ya kaa ŋmenyaŋ asɔ duuso na nɛ amo be ako tɔr ekpa to nɛ mbuibi ba tise amo n ji.

Matiu 15:22

Ndoŋ nɛ Keenan be efuli so be kache ko nɛ e daa tase efuli na so na ba boŋ to n tre Yesu ŋ kaŋɛ mo le: “Enyɛnpe, Ewura Deevid mo Nanabi, wu ma kuwɔr. M pibiche e kɔ kiyoyu lubi mo to nɛ k bee tɔrɔ mo ga.”

Matiu 20:31

Nɛ jimaŋ na ponte bumo so ŋ kaŋɛ bumo fanɛ b lo bumo be nnɔ to, ama b lɔŋɛ m boŋ to a chɔ sososo na a kaŋɛ: “Enyɛnpe, Ewura Deevid mo Nanabi, wu anyi kuwɔr.”

Matiu 21:14

Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ.

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Matiu 22:42

“Nuso nɛ menyee fɛ Ebɔrɛ be esa laraso Kristo na be asheŋ? Wanɛ pibi e la mo?” Nɛ b kaŋɛ mo: “Ewura Deevid mo Nanabi.”

Maak 10:46

Kachako Yesu nɛ mbe bebɛsopo ba Jɛriko nsaa lar kade na to nɛ jimaŋ damta bɛ bumo so. Saŋɛ na so nɛ tanponyɛn ko nɛ baa tre Baatimeeyes, Timeeyes pibi daa tase ekpakar a kule.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Luuk 7:21

Kumo be jemanɛ na malɛ gbagba so nɛ Yesu chɛ belɔpo damta be alɔ be nnaŋ to kikɛ nseŋ ju mbuibi lubi basa to nseŋ bugi betanpo damta be anishi.

Ashuŋ Shunso 2:30

E daa la anebi nna a nyi Ebɔrɛ be kɔnɔ nɛ e nase n sa mo fanɛ e beeŋ shin nɛ mo ere Deevid be kanaŋ to ebi be eko e ki ewura fanɛ Deevid gbagba.