Matiu 20:22 - EBƆRƐ BE KAWƆL

²² Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.”

Matiu 20:22 ပူးပေါင်းရင်းမြစ်များ

Nshɛ 75:3

Nɛ kasawule gbuŋgbuŋ nɛ basa bee chicha gba, ma e kraa kɔ kumo be gbaltɔlase to a yil dindiŋ.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aizaaya 51:17

Jerusalɛm to ebi, men koso! Kasogberge nɛ Enyɛnpe Ebɔrɛ na nya agbo n shin nɛ k ba menyi so na shi ga. Kasogberge na shin nna nɛ menyee nite a lente fanɛ basa nɛ b boo nsa na.

Aizaaya 51:22

Enyɛnpe menyi be Ebɔrɛ nɛ e bee kuŋ menyi na e kaŋɛ le: “Mee lara kasogberge nɛ n nya agbo n shin nɛ k ba menyi so na nna na. M maaŋ naŋ gberge menyi kusoe n shin nɛ men baa nite a lente fanɛ basa nɛ b boo nsa na.

Jɛremaya 49:12

Efuliana nɛ bumo be basa maŋ daga kasogberge gba ka beeŋ nuu ma agbo be kawiebi to, manɛ nna nɛ menyi ere maaŋ nya kasogberge? Menyi alɛ gba beeŋ nuu kawiebi na to.

Matiu 26:35

Ndoŋ nna nɛ Pita naŋ kaŋɛ mo le: “Hale nɛ ma nɛ fo beeŋ wu gba, m maa ba nɛ m ba kaŋɛ fanɛ m maŋ nyi fo.” Loŋ koŋwule na nɛ bebɛsopo na kikɛ malɛ gba daŋ kaŋɛ.

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 26:42

E ka malga n loge nɛ e naŋ bɛta kela nyɔsopo n ya kule Ebɔrɛ le: “N Tuto, nɛ ekpa maŋ wɔtɔ fanɛ n lar le be awurfoŋ ere to ama m baŋ luri kumo to nna, fo shin nɛ fo aparsheŋ e wora.”

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Maak 14:36

E yɛ: “Etuto, n Tuto, feeŋ tiŋ n wora kusɔ kama, ta awurfoŋ ere ashi ma so. Ama mannɛ ma keparso, shin nɛ k baa la feya.”

Luuk 12:50

A daga fanɛ b wɔtɔ ma tɔrɔ to fanɛ kananɛ baa muni esa nchu to a bɛr mo kabɔrɛbɛr na. Kumo alɛ maŋ loge, ma kagbene maaŋ dese ma kikɛ.

Luuk 22:42

“Etuto, nɛ k par fo, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Baru lela nɛ Jɔn kute na 18:11

Ndoŋ nna nɛ Yesu kaŋɛ Pita: “Bɛta fo tokobi na n wɔtɔ kumo be efar to. Fee tama fanɛ m maa sha keji tɔrɔ nɛ n Tuto yili fanɛ n ji na ŋko nuso?”

Romebi 8:26

Loŋ koŋwule na malɛ nɛ Kiyoyu na bee ba m ba kaa chɛ anyi mo nɛ an maŋ kɔ eleŋ ashi yirda na to na to. Anyi maŋ nyi kananɛ k daga fanɛ an kule Ebɔrɛ gba, ama Kiyoyu na gbagba e naa bugi kagbene a kule kabɔrɛkule nɛ k bee mɔ kɔnɔ a sa anyi.

Jeems 4:3

Menyee kaa kule Ebɔrɛ asɔ saŋko malɛ ŋkaa maa nya amo, ŋkpal manɛ so, nfɛra lubi nɛ men kɔ a kule amo a sha fanɛ men ta amo n wora men gbagba be kejimuni be aparsheŋ.