Matiu 20:21 - EBƆRƐ BE KAWƆL

²¹ Nɛ Yesu bishi mo: “Manɛ nɛ fee sha?” Nɛ e kaŋɛ mo: “Nase kɔnɔ fanɛ fo kaŋ ya kaa tase fo kuwura na so, feeŋ shin nɛ ma mbinyɛnsobi ere be eko e chena fo jisoso nɛ eko malɛ e chena fo bena so.”

Matiu 20:21 ပူးပေါင်းရင်းမြစ်များ

1 Bewura 2:19

Ndoŋ nna nɛ Bɛshiba yɔ ewura Sɔlɔmɔn kutɔ nɛ e ya kaŋɛ mo kusɔ nɛ Adonija kaŋɛ na. Ewura Sɔlɔmɔn ka wu mo nio nɛ e koso n yili n chɔrɔ mo bunyaŋ so, nseŋ chena mbe kuwurputi so, n shin nɛ b ta kuwurputi ko malɛ m ba nase mbe jisoso nɛ mo nio chena so.

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Ɛsta 5:3

Ndoŋ nna nɛ ewura na bishi le: “Ewurche Ɛsta, manɛ e kɔ fo? Manɛ nɛ fee sha? Kaŋɛ ma kusɔ kama nɛ k tir fo. Hale ma efuli ere be bargato gba nɛ fee sha, meeŋ ta n sa fo.”

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Nshɛ 45:9

Bewura be mbichesobi e wɔ fo lambu to, nɛ eche nɛ fee shin nɛ fo ta na wɔtɔ shuwa be abitasɔ a yil fo kuwurputi be jisoso.

Jɛremaya 45:5

Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Matiu 18:1

Kumo be jemanɛ na so nɛ bebɛsopo na ba Yesu kutɔ m ba bishi mo: “Ebɔrɛso be kuwura na to nyiŋgbasa mo e chɔ ekama?”

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 20:22

Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.”

Matiu 20:32

Ndoŋ nna nɛ Yesu yili nseŋ tre bumo m bishi: “Manɛ nɛ menyee sha fanɛ n wora n sa menyi?”

Maak 10:51

Nɛ Yesu bishi mo: “Manɛ nɛ fee sha fanɛ n wora n sa fo?” Nɛ tanpo na kaŋɛ: “Enyɛnpe, mee sha ŋ ka naŋ nya ma anishi nna a wu.”

Maak 16:19

Enyɛnpe Yesu ka malga bumo kutɔ n loge nɛ e yɔ ebɔrɛso n ya chena Ebɔrɛ be jisoso, ebunyampo be kakpa.

Maak 6:22

Nɛ Hɛrodias pibiche lar m ba cha nɛ k par Hɛrɔd nɛ mbe befɔ ga. Nɛ Ewura na kaŋɛ kebichebi na: “Kule ma kusɔ kama nɛ fee sha nɛ n sa fo.”

Luuk 18:41

Nɛ kanyɛn na kaŋɛ mo: “Enyɛnpe mee sha ŋ ka naŋ nya ma anishi nna a wu.”

Luuk 19:11

Basa na ka yil a nu asheŋ na nɛ Yesu naŋ bɔ bumo keŋasa ere ŋkpal e ka daŋ taga to Jerusalɛm nɛ ŋkpal b ka daa tama fanɛ epul na to nɛ Ebɔrɛ be kuwura na daa shin nɛ k lar efuli so so.

Luuk 22:24

Ndoŋ nna nɛ bebɛsopo na ji abar emɔrɔ a fin bumo to be emo nɛ e beeŋ ba ki bumo kikɛ be enimu.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Ashuŋ Shunso 1:6

Kachako beshuŋipo na nɛ Yesu ka shɛr nɛ b bishi mo: “Enyɛnpe, naniere bre, feeŋ ta kuwurji na m bɛta n sa Israɛlebi a?”

Romebi 12:10

Men baa kɔ bekurgepo be kasha a sha abar nsaa juŋkpar a bunyaŋ abar.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

Kɔlɔsiebi 3:1

Ŋkpal menyi nɛ Kristo ka tiŋi luwu to na so, men shin nɛ men be ŋgbene e baa wɔ ebɔrɛso be asɔ so. Ndoŋ nɛ Yesu Kristo chena, Ebɔrɛ be jisoso, ebunyampo be kakpa na.