Matiu 20:15 - EBƆRƐ BE KAWƆL

¹⁵ M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?”

Matiu 20:15 ပူးပေါင်းရင်းမြစ်များ

Ɛksodɔs 33:19

Nɛ e kaŋɛ Mosis: “Meeŋ shin nɛ ma kemankura kikɛ e bɔla fo anishito n choŋ nɛ n ti ma ketre ŋ ŋini fo. Ma e la Enyɛnpe Ebɔrɛ nɛ mee wu kuwɔr nsaa lara ma kasha a ŋini bekama nɛ n lara na.

Aŋasa 23:6

Sa maa tu Miiriworaana a ji, ŋko a yɛlga mbe ajibi lela.

Aŋasa 28:22

Esa kama nɛ e bɔlɔ miri so n dii dama beeŋ ki etirpo.

Jɛremaya 18:6

“Israɛl be basa, ma, Enyɛnpe Ebɔrɛ na kɔ ekpa nɛ n ta menyi n wora kusɔ nɛ mee sha, fanɛ kananɛ esa nɛ e bee pɔr mpuliya na bee ta ebɔ na a wora na nna.

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 20:14

Ta fo kakɔka a yɔ. Ma e naa sha keka fo nɛ kanyɛn nɛ e shir kaman m ba shuŋ ere a sasa.

Matiu 6:23

Ama nɛ fo anishi baa maŋ walɛ, tentembiri e naaŋ baŋ bɔlɔ fo eyur na kikɛ to. Amoso, nɛ kefulto nɛ k wɔ fo to na baa la tentembiri, kumo ere tentembiri gbagba nna pasaa!

Maak 7:22

Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Ashuŋ Shunso 13:45

Juwebi na ka wu jimaŋ na nɛ yurkishi luri m bɔlɔ bumo to nɛ b malga ŋ gbiti kusɔ nɛ Pɔɔl daa malga na nseŋ tege mo.

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 2:1

To, menyi alɛ gba du fanɛ basa nɛ b wu nna ŋkpal men ka daŋ foe ekpa a wɔtɔ a wora alubi na so.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

Ditɛronɔmi 15:9

Men sa maa kini kepaŋ basa asɔ ŋkpal kafɛ nɛ baa yige basa be akɔ a kɛ bumo na ka taga to so. Men sa maŋ shin nɛ le be nfɛra lubi ere e ba menyi to gba kuraa. Nɛ menyi baŋ kini kesa betirpo na m paŋ, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Ditɛronɔmi 28:54

Jemanɛ na kaŋ fo, menyi to be enyɛn kama nɛ e du boeŋ nsaa la esa gba beeŋ ba kaa yɛla kenishi to a fin ajibi hale n ya pɛ mbe mbia ko n we ŋkpal e ka maŋ nya ajibi nɛ e ji so. E maaŋ sa mo niopibi ŋko mbe eche nɛ e bee sha ga ŋko mbe mbia nɛ b ka na gba be ekama, kebia nɛ e mɔ a we na be eblaŋ na be ako.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

Jeems 5:9

Ŋ kurgepoana, men sa maa bile asheŋ a sa abar nɛ Ebɔrɛ e kaŋɛ fanɛ men wora kulubi. Men keni, a ka gbrɛbi nɛ an kikɛ be Demujipo na e tu anyi.