Matiu 2:7 - EBƆRƐ BE KAWƆL

⁷ Ewura Hɛrɔd ka nu asheŋ ere nɛ e tre befɔ nɛ b shi epeŋilarkpa be kasawule so m ba na n lar ekarso ŋ ŋana m bishi bumo jemanɛ gbagba nɛ kechɛkpabi na lar.

Matiu 2:7 ပူးပေါင်းရင်းမြစ်များ

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Ɛksodɔs 1:10

Amoso men shin nɛ an bɔla kanyiasheŋ be ekpa so n wora kusɔ ko ŋ kuŋ anyi be amu. Mannɛ aloŋ, baaŋ baa kraa wora keshi a ti so, nɛ k ya ba fanɛ kena koso anyi nɛ basa ko so, baaŋ chɛ an doŋana na to ŋ kɔ anyi nseŋ shile anyi be efuli ere so kuraa.”

Nɔmbɛs 24:17

N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Matiu 2:8

Kede be kaman nɛ e kaŋɛ bumo le nseŋ shin nɛ b yɔ Bɛtlɛhɛm be kade to: “Men ya keni nɛnɛ n fin kebia na. Nɛ men kaŋ ya wu mo, men shin nɛ n nu. Saŋɛ na so ma alɛ gba beeŋ ya bunyaŋ mo.”

Ashuŋ Shunso 24:22

Ndoŋ nna nɛ Filiks nɛ e daŋ nu Enyɛnpe be ekpa na be asheŋ ga ŋ ku so na shin nɛ b yige demu na be kenu nseŋ shin nɛ e kaŋɛ basa na: “Benapo be enimu Lisias kaŋ ba, meeŋ keni menyi be demu na to.”

Kelaraŋŋini 12:15

Ama kusɔkpaŋ na daŋ fuu nchu nna ashi mbe kɔnɔ to fanɛ lɔr na a sha fanɛ a tu kache na n ta amo be eleŋ ŋ kpata mo n lɛ.

1 Samuɛl 18:21

Ndoŋ nna nɛ e fɛ le: “Meeŋ kaŋɛ Deevid nɛ e ta Mikaal ŋ ki mbe eche, ama mee sha nna nɛ n wora loŋ saŋɛ na so Filistiebi na beeŋ mɔ mo.” Kede e ti so kela nyɔsopo Sɔɔl ka kaŋɛ fanɛ Deevid beeŋ ki mo sha.