Matiu 2:2 - EBƆRƐ BE KAWƆL

² “Nnɛ nɛ kebia nɛ b kurge nɛ e la Juwebi be ewura na wɔ? Mbe kechɛkpabi e lar epeŋilarkpa be kasawule so nɛ an wu kumo nseŋ ba nɛ an ba bunyaŋ mo.”

Matiu 2:2 ပူးပေါင်းရင်းမြစ်များ

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Aizaaya 60:3

Efuli pɔtɛana be basa nɛ bewura kikɛ beeŋ ba menyi be karechɛ popɔr na be kefulto to.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 30:9

Kumo be kaman nɛ men shuŋ ma, Enyɛnpe, menyi be Ebɔrɛ na nɛ men nananyɛn ewura Deevid be kanaŋ to be esa nɛ meeŋ buu kuwura n chena na.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Nɔmbɛs 24:17

N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.

Matiu 2:3

Ewura Hɛrɔd ka nu kesheŋ na nɛ mbe kagbene kaa. Loŋ koŋwule na malɛ e daŋ wora Jerusalɛmebi kikɛ.

Matiu 21:5

“Kaŋɛ Zayɔn be kade to ebi: ‘Keni men be Ewura ka du boeŋ n dii kurma a ba menyi kutɔ. Kusɔbɔya pibi, kakurmabi nɛ e dii.’ ”

Matiu 27:11

B ka bar Yesu m ba yili Gomena Pailat be anishito nɛ e bishi mo le: “Fo e la Juwebi be Ewura na a?” Nɛ Yesu shuli so ŋ kaŋɛ mo le: “Loŋ gbagba nɛ fo yɛ na.”

Luuk 19:38

Le nɛ b daŋ kaŋɛ: “Nɛfa la Ewura nɛ e shi Enyɛnpe be ketre to a ba na peya nna. Kagbenewushi e baa wɔ ebɔrɛso nɛ kemaŋkura e baa la Enyɛnpetale peya.”

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Luuk 23:3

Nɛ Gomena Pailat bishi mo le: “Fo e la Juwebi be Ewura na a?” Nɛ Yesu shuli so ŋ kaŋɛ: “Loŋ gbagba nɛ fo kaŋɛ na.”

Luuk 23:38

Kasibɛ nɛ basa na daŋ sibɛ ŋ gbir m mata Yesu be kumu ase e daa la: “JUWEBI BE EWURA NA NDE.”

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 12:13

Ndoŋ nna nɛ b fɛta n fɛta abii be ayabi n lar n yɔ nɛ b ya tu mo nsaa ponte a kaŋɛ: “Hosana, nɛfa la esa nɛ e shi Enyɛnpe be ketre to a ba na peya nna. Nɛfa la mo, Israɛl be Ewura na peya nna.”

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Baru lela nɛ Jɔn kute na 19:19

Ndoŋ nna nɛ Pailat shin nɛ b sibɛ kasibɛ ŋ gbir m mata mbe kedibi largato na so a kaŋɛ le: “NAZARƐT BE YESU NƐ E LA JUWEBI BE EWURA NA NDE.”

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Baru lela nɛ Jɔn kute na 9:38

Ndoŋ nna nɛ kanyɛn na kaŋɛ: “Enyɛnpe, n yirda.” Kumo be kaman nɛ e gbir kumuli.

Hibruwebi 1:6

Ade be kaman, Ebɔrɛ ka daa sha kebar mo Pibinyɛn juŋkparso na durnya to na, le nɛ e daŋ kaŋɛ: “A daga fanɛ Ebɔrɛ be emalaika kikɛ ka bunyaŋ mo.”

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”