Matiu 2:18 - EBƆRƐ BE KAWƆL

¹⁸ “Awɔr shi Raama to n cha m ba, baa boŋ to nna a shu. Reechel e naa kpal mbe mbia kikɛ ka maŋ naa wɔtɔ so a shu, nɛ basa bee wushi mo kagbene a gben.”

Matiu 2:18 ပူးပေါင်းရင်းမြစ်များ

Jɛnesis 37:30

nseŋ yɔ mo sipoana na kutɔ n ya bishi bumo le: “Kebia ere ka maŋ naa wɔtɔ ere, manɛ nɛ meeŋ ya kaŋɛ mo tuto?”

Jɛnesis 42:36

Nɛ bumo tuto Jeekɔb kaŋɛ bumo le: “Men shin nɛ m paŋ ma mbia. Josɛf maŋ naa wɔtɔ, Simiɔn gba maŋ naa wɔtɔ nɛ men naa sha keta Bɛnjamin malɛ ere, kumo ere menyeeŋ ta tɔrɔ ŋ deŋ ma so pasaa!”

Job be kawɔl 14:10

Ama anyi edimɛdi kɔr ndibi to, an baŋ wu asheŋ loge.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Ezikɛl 2:10

Ndoŋ nna nɛ enɔ na bugi kawɔl sibɛso na to nɛ n wu fanɛ kushu nɛ kagbene jija be yiri kikɛ be asheŋ nɛ b sibɛ n deŋi kumo be mba anyɔ na kikɛ so.

Matiu 2:17

Le e shin nɛ kusɔ nɛ anebi Jɛremaya daŋ kaŋɛ na bɔla ekpa fanɛ:

Luuk 8:52

Saŋɛ na so nɛ ekama wɔ ndoŋ a shu kebia na be keeli a boŋ to. Nɛ Yesu kaŋɛ bumo: “Men sa maa shu, kebia na maŋ wu nna, e bee di nna.”

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”