Matiu 2:16 - EBƆRƐ BE KAWƆL

¹⁶ Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Matiu 2:16 ပူးပေါင်းရင်းမြစ်များ

Jɛnesis 39:14

nɛ e tre mbe laŋ na to be beshumpo na ŋ kaŋɛ bumo: “Men keni, ŋ kul bar Hibruw ere nna nɛ e ba tege anyi. Men keni, e ba ma ebu to nna nɛ e ba pur ma nɛ m boŋ to awɔrso ga.

Jɛnesis 39:17

Mo kul ka ba nɛ e kaŋɛ mo kesheŋ koŋwule na fanɛ: “Keni, kenya nɛ e la Hibruw nɛ fo bar laŋ to m ba wɔtɔ anyi to nfe na luri nna nɛ e ba pur ma.

Jɛnesis 49:7

Kɔnɔsho e baa wɔ bumo be agbo so, ŋkpal k ka lubi ga so so. Bumo be agbo lubi ga. Kɔnɔsho koŋwule na e baa wɔ bumo be kediewu so, ŋkpal manɛ so, b maŋ kɔ kushuso kuraa. Meeŋ shin nɛ b pesaŋ to n sɔ Israɛl be efuli so be basa kikɛ to nyam.

2 Bewura 8:12

Nɛ Haziɛl bishi mo: “Manɛ nna nɛ fee shu n nyɛnpe?” Nɛ Elaisha kaŋɛ: “Ŋkpal ŋ ka wu asheŋ lubi nɛ feeŋ wora Israɛlebi so. Feeŋ chɔɔ bumo be kumɔlga be mboŋ lempo nseŋ mɔ bumo be mbrantiɛ, m bure bumo be mbi popɔrbi be amu to nseŋ baŋɛ bumo be bedampoche be epunana to.”

Job be kawɔl 12:4

Jemanɛ kikɛ kebaawɔtɔ niŋiso to nɛ n daa wɔ, nɛ Ebɔrɛ malɛ daa nu ma kabɔrɛkule. Ama naniere n nekpaana e naa wora ma eyur to na.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Aŋasa 28:17

Esa kama nɛ e mɔ esa, be nfɛra beeŋ baa ji a bri mo hale nɛ e ya wu. Mo alɛ maaŋ nya kechɛto kikɛ.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Aizaaya 59:7

Jemanɛ kikɛ asheŋ lubi nɛ menyee kre nsaa nya manaŋ a wora amo. Basa nɛ b maŋ wora shɛŋ be kemɔ maŋ du menyi so kpakpa. Basa nɛ asɔ be kejija n lɛ nɛ kemur nɛ menyee yige kaman ashi kaplɛkama nɛ men yɔ.

Danɛl 3:13

Ndoŋ nna nɛ agbo dii ewura Nebukadneeza alegaiso nɛ e shuŋi fanɛ b ya pɛ mbrantiɛbia asa na m ba.

Hoziya 10:14

kena beeŋ ku nɛ menyi nɛ men be kumɔlga be kakpa lempo e mur. Kumo be kemur na beeŋ baa du nna fanɛ kachɛ nɛ ewura Shalma ta kena m ba mur Bɛtabel be kade, nseŋ ta bibinioana nɛ bumo be mbia ŋ ŋmɛa ajembu m mɔ na nna.

Nɔmbɛs 22:29

Nɛ Balaam kaŋɛ: “Ŋkpal fo ka shin nɛ ŋ ki ewulpo na so, n daa kɔ tokobi gba nna, dafanɛ meeŋ mɔ fo.”

Nɔmbɛs 24:10

Ndoŋ nna nɛ Ewura Balak nya agbo alegaiso n wɔtɔ Balaam nseŋ a chicha ŋ kaŋɛ le: “N tre fo nna fanɛ fo ba sho n doŋana kɔnɔ, nɛ fo kini nseŋ nɛfa bumo ale asa kikɛ.

Matiu 2:1

Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Matiu 2:17

Le e shin nɛ kusɔ nɛ anebi Jɛremaya daŋ kaŋɛ na bɔla ekpa fanɛ:

Matiu 2:7

Ewura Hɛrɔd ka nu asheŋ ere nɛ e tre befɔ nɛ b shi epeŋilarkpa be kasawule so m ba na n lar ekarso ŋ ŋana m bishi bumo jemanɛ gbagba nɛ kechɛkpabi na lar.

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

Demujipoana 16:10

Ndoŋ nna nɛ Delaila kaŋɛ Samsɔn: “Fo fule ma n shin nɛ ŋ ki ewulpo nna na. Jande kaŋɛ ma kananɛ esa beeŋ tiŋ n wora nseŋ tiŋ ŋ kre fo n nase.”