Matiu 2:13 - EBƆRƐ BE KAWƆL

¹³ Basa na ka yɔ nɛ Enyɛnpe be malaika lar Josɛf so edare to ŋ kaŋɛ mo le: “Niŋi to n ta kebia na nɛ mo nio n shile n yɔ Ijipt be efuli so n ya kaa wɔ ndoŋ hale nɛ m ba kaŋɛ fo fanɛ fo naŋ lar ndoŋ. Ŋkpal manɛ so Ewura Hɛrɔd bee fin kebia na nɛ e mɔ.”

Matiu 2:13 ပူးပေါင်းရင်းမြစ်များ

1 Bewura 11:17

Loŋ be jemanɛ na so nɛ ewura Hadad daa la kebia nna, nɛ mo nɛ mo tuto be nyɛrbiana ko daŋ shile n yɔ Ijipt be efuli so.

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Job be kawɔl 33:15

Saŋko nɛ edimɛdi dese a di kanyɛso, Ebɔrɛ bee bɔla edare so nna a malga a sa bumo.

Job be kawɔl 33:17

Ebɔrɛ bee malga nna a sa bumo edare to nɛ k shin nɛ b lar alubi nɛ kamoowu to.

Ɛksodɔs 1:22

Ndoŋ nna nɛ ewura Fɛɛro sa mbe basa kikɛ ebɔl kenishipereso ŋ kaŋɛ le: “Hibruwebi na baŋ kurge ebinyɛn kikɛ, men ta mo n ya lɛ lɔr nɛ baa tre Nail na to, ama becheso na bre, men yige bumo kikɛ nɛ b baa wɔtɔ.”

Matiu 1:20

E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 10:23

Kade kama nɛ men yɔ nɛ b ya kaa tɔrɔ menyi, men lar ndoŋ n shile n yɔ kepɔtɛ to. Kashenteŋto, ma e kaŋɛ menyi na fanɛ men maaŋ loge men be ashuŋ kikɛ ashi Israɛl be efuli ere so be kade kama to pɔɛŋ nɛ ma, Nyiŋgbasa Pibinyɛn e ba.

Matiu 2:12

B ka loge nɛ Ebɔrɛ fiɛ bumo so edare to ŋ kaŋɛ fanɛ b sa maŋ naŋ bɛta n yɔ Ewura Hɛrɔd kutɔ. Amoso b daŋ bɔla ekpa popɔr so nna m bɛta n yɔ bumo be efuli so.

Matiu 2:14

Ndoŋ nna nɛ Josɛf koso n ta kebia na nɛ mo nio kanyɛso na kikɛ n yɔ Ijipt.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Matiu 2:22

Ama Josɛf ka nu fanɛ Ewura Hɛrɔd pibi Aakileeyes e sɔ mo tuto so n ji Judiya be efuli so be kuwura nɛ e ŋana kechena kasawule na so. Ama edare to nɛ Ebɔrɛ daŋ naŋ kaŋɛ mo kusɔ nɛ k daga fanɛ e wora,

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Ashuŋ Shunso 10:7

Kede be kaman nɛ malaika nɛ e daa malga mo kutɔ na yige mo nseŋ yɔ nɛ Kɔɔnilias tre mbe laŋ to be nyɛrbi anyɔ ko nɛ enapo ko nɛ e daa la abɔrɛshenshapo nsaa la bumo nɛ b daa shuŋ a sa Kɔɔnilias gbagba na be eko

Ashuŋ Shunso 12:11

Ndoŋ nna nɛ Pita pin kusɔ nɛ k wora mo na nseŋ kaŋɛ: “Naniere nɛ m pin kashenteŋto fanɛ Enyɛnpe e shuŋi mbe malaika nɛ e ba lara ma ashi Hɛrɔd be eleŋ nɛ asɔ nɛ Juwebi na daa fɛ na kikɛ to.”

Ashuŋ Shunso 12:7

Epul na to nɛ Enyɛnpe be malaika ko ba yili ndoŋ nɛ kefulto ko nyaŋɛ n fuli ebu na to nɛ malaika na beta Pita be kekel so n tiŋi mo nseŋ kaŋɛ mo: “Yeŋi so ŋ koso.” Epul na to nɛ ŋgbɛlɛbi na lar mbe enɔana to n tɔr.

Ashuŋ Shunso 16:36

Nɛ kabutikenipo na ta kumo ŋ kaŋɛ Pɔɔl: “Ekrachigboŋana na shuŋi n sa ekpa fanɛ b lara menyi kabuti to. Amoso, men koso kagbenewushiso a yɔ.”

Ashuŋ Shunso 5:19

Ama kumo be kanyɛso nɛ Enyɛnpe be malaika ba bugi kabuti na be mbuna nseŋ bar bumo kowu m ba kaŋɛ bumo:

Ashuŋ Shunso 7:19

Mo e daŋ fule anyi be basa nseŋ tɔrɔ an nanaana ga n tintiŋ bumo n shin nɛ b ta bumo be mbi popɔrbi n ya nase nde na be ntamaŋ to nɛ b wu.

Joshuwa 3:13

Saŋɛ na so bɔrɛmatapoana nɛ b sulɔ Enyɛnpe Ebɔrɛ nɛ e to durnya kikɛ na be ŋkre be deka na, be aya kaŋ baŋ yuu nchu na to, Jɔɔdan be lɔr na beeŋ ku to nɛ nchu nɛ a shil a ba e laŋɛ ŋ gbargbar n yili kaboŋ koŋwule fanɛ kebee na.”

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 4:10

Bɔrɛmatapoana na sulɔ ŋkre be deka na nna a yil Jɔɔdan be lɔr na be nferinto hale nɛ basa na wora kusɔ kama nɛ Enyɛnpe Ebɔrɛ na kaŋɛ Joshuwa fanɛ b wora na. Loŋ nɛ Mosis gba daŋ kaŋɛ Joshuwa fanɛ e wora na. Basa na daŋ wora manaŋ nna n dii Jɔɔdan be lɔr na be kaba ndoŋ.

Joshuwa 4:18

Bɔrɛmatapoana nɛ b sulɔ Enyɛnpe Ebɔrɛ be ŋkre be deka na be aya ka baŋ cha lɔr na be kegroŋgu so nɛ k naŋ fara a shile nseŋ bɔlɔ n to chuful epul na to.

Kelaraŋŋini 12:14

Ama b daŋ sa kache na kusoregboŋ be atɛ anyɔ nna fanɛ e ta n firgi n shile kusɔkpaŋ na n yɔ kiyi to, mbe kakpa, fanɛ b ya kaa keni mo so nfɛ asa nɛ bargato.

Kelaraŋŋini 12:4

Ndoŋ nna nɛ kusɔ na ta kumo be kodu ŋ kpata achɛkpabi be ntuŋ nsa be katuŋ koŋwuleso ashi awɔlpa so m ba lɛ kasawule. Kumo be kaman nɛ kusɔ gbeyeso na kilgi a yil kache nɛ e di kedampo na be anishito nɛ kache na e kurge nɛ e ta kebia na n we epul na to.

Kelaraŋŋini 12:6

Nɛ kache na malɛ shile n luri kiyi to be kakpa nɛ Ebɔrɛ lɔŋɛ n yili mo fanɛ e baa wɔ ndoŋ a nya kekeniso nchɛ kagboŋ nɛ alfa anyɔ nɛ adeshe na.