Matiu 2:11 - EBƆRƐ BE KAWƆL

¹¹ B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.

Matiu 2:11 ပူးပေါင်းရင်းမြစ်များ

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 10:2

E daŋ keta mbe benimu damta ko nna nseŋ kre asɔ nɛ a kɔ efɛa belbelso nɛ yawu kpakpaso be abitasɔ nɛ shuwa damta ko n deŋi enyɔma so n yɔ. E ka ya fo nɛ mo nɛ ewura Sɔlɔmɔn malga asheŋ nɛ a wɔ mbe nfɛra to kikɛ.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 45:8

Etulale lela dufɛso nɛ baa tre mir nɛ alowe na be efɛa a wɔ fo asɔbuuso so, nɛ baa laŋ ejaŋjilaŋ nɛ alaŋsɔ a deŋi fo anishito ashi fo lambu nɛ b ta ejebotenyi n ji kumo kebita na to.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 72:15

Shin nɛ ewura na be ŋkpa e teŋi so! N shin nɛ e nya Areebia be kasawule so be shuwa. Shin nɛ basa e baa kule Ebɔrɛ a sa mo jemanɛ kikɛ nsaa nɛfa mo karechɛ kama.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Ɛksodɔs 30:23

“Men ta efɛa belbelso be asɔ n wora ŋku nɛfaso cheembi. Men karga asɔ na fanɛ kananɛ baa karga asɔ ashi Ebɔrɛ be wajɛbu na to na. Men ta asɔ nɛ baa tre mir na fanɛ kilo ashe nɛ asɔ nɛ baa tre sinamɔn na kilo asa nɛ asɔ nɛ baa tre keen na kilo asa nɛ amo nɛ baa tre kashia na kilo ashe, n wea ɔlif be ŋku lita ana to n wora amo fanɛ kananɛ esa nɛ e nyi tulale be kewora bee wora na, nɛ a ki ŋku nɛfaso cheembi nɛ amo be efɛa wɔ ebel.

Ɛksodɔs 30:34

Nɛ Enyɛnpe Ebɔrɛ naŋ kaŋɛ Mosis le: “Men ta duwu be asɔ nɛ amo be efɛa wɔ ebel nɛ amo kikɛ be keshi e baa sasa. Amo a la, stakte nɛ onika nɛ galbanum nɛ fraŋkinsensi nɛ a maŋ kɔ eyurpi amo to na.

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Levitikɔs 6:15

Kumo be kaman nɛ bɔrɛmatapo na e jɔ nyifu nɛ b ta ɔlif be ŋku m baga na enɔ be bɔlɔ nseŋ ta duwu n ti so n chɔɔ bɔrɛsure na so shɛda so a ŋini fanɛ amo kikɛ la sarga nɛ amo be efɛa bee par Enyɛnpe Ebɔrɛ na nna.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 1:18

Kananɛ b kurge Yesu Kristo nde. B daŋ yili kumo nna fanɛ Yesu mo nio Mɛɛri nɛ Josɛf e kil, ama pɔɛŋ nɛ b ta abar, b wu fanɛ Kiyoyu Cheeŋ na shin nɛ Mɛɛri di kedampo.

Matiu 12:46

Yesu daŋ kraa malga a sa basa na nna nɛ mo nio nɛ mo siponyɛnsoana ba yili kowu a sha kemalga mo kutɔ.

Matiu 14:33

Nɛ bumo nɛ b daa wɔ ekuloŋ na to na bunyaŋ Yesu ŋ kaŋɛ: “Kashenteŋto fo e la Ebɔrɛ Pibinyɛn na.”

Matiu 2:10

B ka wu kechɛkpabi na nɛ bumo be ŋgbene fuli bumo alegaiso.

Matiu 2:2

“Nnɛ nɛ kebia nɛ b kurge nɛ e la Juwebi be ewura na wɔ? Mbe kechɛkpabi e lar epeŋilarkpa be kasawule so nɛ an wu kumo nseŋ ba nɛ an ba bunyaŋ mo.”

Luuk 2:16

Ndoŋ nna nɛ b nya manaŋ n ya wu Mɛɛri nɛ Josɛf nɛ kebia na dese asɔbɔya be deka jiso to asɔbɔya be edikpa.

Luuk 2:38

E ka ba tu Simiɔn nɛ kebia na nɛ mo nio nɛ mo tuto bɔrɛlambu na to nɛ mo alɛ gba di Ebɔrɛ epaŋ ga nseŋ kaŋɛ basa nɛ b daa jo jemanɛ nɛ Jerusalɛm beeŋ nya kesɔnyige na kikɛ kebia na be asheŋ.

Baru lela nɛ Jɔn kute na 19:39

Nikodimɔs nɛ e daŋ keyɔ Yesu kutɔ kiidiso kachako na nɛ Josɛf na e daŋ yɔ. Nikodimɔs daŋ ta etulale mo nɛ baa tre mir nɛ alowe nɛ b kɔ a gbiti bubuni so nɛ baa dese a chɛr na be weato nna m ba. Amo be egbɛ daa wɔ fanɛ kekargato be pɔŋ kalfa.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.