Matiu 2:1 - EBƆRƐ BE KAWƆL

¹ Bɛtlɛhɛm nɛ k wɔ Judiya be kasawule so na to nɛ b daŋ kurge Yesu, saŋɛ nɛ Ewura Hɛrɔd daa ji ndoŋ be kuwura na. B ka kurge Yesu k maŋ chɛr ko nɛ basa ko nɛ b daa koya achɛkpabi be asheŋ na shi epeŋilarkpa m ba Jerusalɛm m ba bishi:

Matiu 2:1 ပူးပေါင်းရင်းမြစ်များ

Jɛnesis 10:30

Kakpa nɛ b daa wɔ na daŋ yili Mɛsha nna n dese loŋ n ya fo Sefar nɛ k wɔ epeŋipetekpa be abee to be efuli so na.

Jɛnesis 25:6

Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

Jɛnesis 41:8

Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

1 Bewura 4:30

Ewura Sɔlɔmɔn daa kɔ kanyiasheŋ a chɔ epeŋilarkpa be kaba so be benyiashempo nɛ Ijipt be efuli so be benyiashempo kikɛ.

1 Kronikɛls 2:51

Mo pibinyɛn nyɔsopo nɛ baa tre Salma na, e daŋ juŋkpar n chena Bɛtlɛhɛm, nɛ mo pibinyɛn sasopo nɛ baa tre Harif na e daŋ juŋkpar n chena Bɛfgaada.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 1:25

ama mo nɛ Mɛɛri daa maŋ di keche nɛ kenyɛn kikɛ hale nɛ Mɛɛri ya kurge mbe ebinyɛn na nɛ Josɛf nase mo ketre Yesu.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.

Matiu 2:19

Josɛf nɛ Mɛɛri nɛ kebia na daa wɔ Ijipt na loŋ nɛ Ewura Hɛrɔd ba wu nɛ Enyɛnpe be malaika lar Josɛf so edare to ndoŋ

Matiu 2:3

Ewura Hɛrɔd ka nu kesheŋ na nɛ mbe kagbene kaa. Loŋ koŋwule na malɛ e daŋ wora Jerusalɛmebi kikɛ.

Matiu 2:5

Nɛ b kaŋɛ mo le: “Bɛtlɛhɛm nɛ k wɔ Judiya be kasawule so na, ŋkpal manɛ so, le nɛ Ebɔrɛ daŋ bɔla anebi Maika so ŋ kaŋɛ:

Matiu 2:7

Ewura Hɛrɔd ka nu asheŋ ere nɛ e tre befɔ nɛ b shi epeŋilarkpa be kasawule so m ba na n lar ekarso ŋ ŋana m bishi bumo jemanɛ gbagba nɛ kechɛkpabi na lar.

Luuk 1:5

Jemanɛ nɛ Ewura Hɛrɔd daa ji kuwura ashi Judiya be efuli so na, bɔrɛmatapo ko daa wɔtɔ nɛ baa tre mo Zakareya. E daa la Abija be bɔrɛmatapoana be katuŋ na to be eko nna. Mbe eche be ketre e daa la Elizabɛt. Mo alɛ gba daŋ shi bɔrɛmatapoana be kanaŋ to nna, Ɛɛrɔn be kanaŋ to.

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Luuk 2:15

Emalaika na ka yige bumo m bɛta n yɔ esoso nɛ mbolpɔkpapoana na kaŋɛ abar: “Men shin nɛ an yɔ Bɛtlɛhɛm n ya keni kusɔ nɛ k wora nɛ Enyɛnpe shin nɛ an pin ere.”

Baru lela nɛ Jɔn kute na 7:42

Abɔrɛsibɛ na bee kaŋɛ fanɛ Ewura Deevid be kanaŋ to nɛ Mesaya na beeŋ shi nɛ b kurge mo ashi Bɛtlɛhɛm, kade nɛ Ewura Deevid daŋ shi na.”

Demujipoana 17:7

Livai be yiri to be kabrantiɛbia ko daŋ shi kade nɛ baa tre Bɛtlɛhɛm nɛ k wɔ Juda be efuli so nna