Matiu 19:8 - EBƆRƐ BE KAWƆL

⁸ Nɛ Yesu kaŋɛ bumo: “Anebi Mosis daŋ sa menyi loŋ be ekpa nna nɛ men kini menyi be beche ŋkpal menyi be ŋgbene ka du kpakpa so. Dafanɛ mannɛ loŋ e daa la sososo na.

Matiu 19:8 ပူးပေါင်းရင်းမြစ်များ

Jɛnesis 2:24

Amoso nɛ enyɛn baŋ ta eche, a daga fanɛ e yige mo tuto nɛ mo nio nseŋ ya far n chɛ mbe eche nɛ b ki eyur koŋwule.

Jɛnesis 7:7

Ama Nowa bre nɛ mbe eche nɛ mbe bibinyɛn nɛ bumo be beche daŋ luri kuloŋgboŋ na to nna nɛ nchu na maŋ mur bumo.

Nshɛ 95:8

men sa maŋ wora menyi be ŋgbene kpakpa, fanɛ kananɛ men nanaana daŋ wora ashi mboŋ nɛ baa tre Mɛriba nɛ Maasa ashi keshishɛrsawule so na.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Zakareya 7:12

nseŋ wora bumo be ŋgbene kpakpa fanɛ awarabi nsaa maa kaŋ asoe a nu mmalga nɛ ma, Enyɛnpetale Ebɔrɛ na be Kiyoyu bɔla anebi juŋkparsoana so n ta n sa bumo na ŋko a bɛ ma mbra so. Amoso n daŋ nya agbo nna ga n wɔtɔ bumo.

Matiu 19:7

Nɛ basa na naŋ bishi mo: “To nɛ manɛ e ba nɛ anebi Mosis daŋ nase fanɛ enyɛn e sa mbe eche kakilgboŋi be kawɔl nseŋ ju mo na?”

Matiu 19:9

Ma e kaŋɛ menyi na fanɛ enyɛn kama nɛ e kini mbe eche nseŋ naŋ ta eche pɔtɛ ji kubojua nna ŋ gbiti mbe eche dra na nna na ama e baŋ kini eche dra na nna ŋkpal mbe kesakalea so.”

Matiu 3:15

Ndoŋ nna nɛ Yesu kaŋɛ mo le: “Sa maŋ kuŋ ma kumo be ekpa naniere, ŋkpal manɛ so, loŋ e daga fanɛ an wora asheŋ nɛ a bɔla ekpa nɛ Ebɔrɛ nase na kikɛ.” Ndoŋ nna nɛ Jɔn shuli m bɛr mo kabɔrɛbɛr na.

Matiu 8:31

nɛ mbuibi lubiana na kule Yesu ŋ kaŋɛ: “Nɛ fee sha keju anyi basa ere to, fo shin nɛ an ya luri epreku ere to.”

Maak 10:5

Nɛ Yesu kaŋɛ bumo: “Mosis daŋ sibɛ loŋ be mbra nna n sa menyi ŋkpal menyi be ŋgbene ka du kpakpa so.

Maak 16:14

Kumo be lalaloge nɛ Yesu ba lar bebɛsopo kudukako na so nɛ b tase a ji nɛ e malga bumo ŋkpal b ka maŋ kɔ yirda so n naŋ kpal b ka ta kumuleŋ ŋ kini keyirda bumo nɛ b wu mo saŋɛ nɛ e tiŋi luwu to na so.

1 Kɔrintebi 7:6

Asheŋ nɛ mee kaŋɛ ere maa ŋini fanɛ mee sa menyi mbra nna fanɛ men luri kakil to, ama m baa kaŋɛ nna fanɛ nɛ men wora loŋ, k maŋ lubi.

1 Samuɛl 25:43

Deevid daŋ chɛr a kɔ eche ko nɛ e shi Jizreel be kade to nɛ baa tre mo Ahinɔam pɔɛŋ nseŋ ta Abigɛl n ya ti mo so.