Matiu 19:7 - EBƆRƐ BE KAWƆL

⁷ Nɛ basa na naŋ bishi mo: “To nɛ manɛ e ba nɛ anebi Mosis daŋ nase fanɛ enyɛn e sa mbe eche kakilgboŋi be kawɔl nseŋ ju mo na?”

Matiu 19:7 ပူးပေါင်းရင်းမြစ်များ

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Malakai 2:16

Israɛl be Ebɔrɛ na yɛ: “Ŋ kishi kakilgboŋi be asheŋ ga. Ŋ kishi esa ka beeŋ ta eche nseŋ naŋ kini mo. Men baa ji kashenteŋ a sa menyi be beche!”

Matiu 1:19

Josɛf nɛ Mɛɛri daa sha kekil na daa la esa nɛ e daa la esa cheembi nna a wora alelasheŋ saŋkama, ama e daa maa sha kesheŋ na e lar efuli ŋ ŋaba Mɛɛri. Amoso, e daa kre mo nɛ Mɛɛri be kakil na be kegboŋi be nia nna wulo to.

Matiu 19:6

Amoso, b maŋ naa la basa anyɔ, ama esa koŋwule. Amoso, asɔ kama nɛ Ebɔrɛ ta m ber abar so, bomin kikɛ e sa maŋ barga amo to.”

Matiu 19:8

Nɛ Yesu kaŋɛ bumo: “Anebi Mosis daŋ sa menyi loŋ be ekpa nna nɛ men kini menyi be beche ŋkpal menyi be ŋgbene ka du kpakpa so. Dafanɛ mannɛ loŋ e daa la sososo na.

Matiu 5:31

Basa daŋ naa kaŋɛ le gba: ‘A daga fanɛ esa kama nɛ e gboŋi mo nɛ mbe eche be kakil, e sa eche na kakilgboŋi be kawɔl.’

Maak 10:4

Nɛ b kaŋɛ: “Anebi Mosis sa anyi ekpa nna fanɛ enyɛn e sa mbe eche kakilgboŋi be kawɔl nseŋ ju mo.”