Matiu 19:22 - EBƆRƐ BE KAWƆL

²² Kanyɛn na ka nu loŋ nɛ e kilgi n yɔ nɛ kagbenejija, ŋkpal manɛ so, e daa kɔ asɔ ga.

Matiu 19:22 ပူးပေါင်းရင်းမြစ်များ

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Matiu 14:9

Ndoŋ nna nɛ Ewura na be kagbene jija mo, ama ŋkpal ntaŋana nɛ e bɔ mbe befɔ na be anishito na so nɛ e gben n sa ekpa fanɛ b wora kusɔ nɛ kebichebi na daŋ kule na.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

Matiu 19:21

Ndoŋ nna nɛ Yesu kaŋɛ mo: “Nɛ fee sha kebaadu cheembi, fo ya fa fo asɔ kikɛ n ta amo be amansherbi n sa betirpo, loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Matiu 19:23

Nɛ Yesu kaŋɛ mbe bebɛsopo na: “Ma e kaŋɛ menyi kashenteŋto na fanɛ a beeŋ nu damawuraana ga pɔɛŋ nɛ b luri ebɔrɛso be kuwura na to.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Maak 10:22

Ade be kaman nɛ fo ba bɛ ma so.” Kanyɛn na ka nu loŋ nɛ mbe kagbene kaa nɛ e kilgi n yɔ nɛ kagbenejija, ŋkpal manɛ so, e daa kɔ asɔ ga.

Maak 6:26

Ndoŋ nna nɛ Ewura na be kagbene jija mo ga, ama e daa maa sha nɛ e kini ŋkpal ntaŋana nɛ e bɔ mbe befɔ be anishito na so.

Luuk 18:23

Kanyɛn na ka nu loŋ nɛ mbe kagbene jija mo, ŋkpal manɛ so, e daa la damawura gbagba nna kashenteŋto.

Baru lela nɛ Jɔn kute na 16:20

Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.