Matiu 19:21 - EBƆRƐ BE KAWƆL

²¹ Ndoŋ nna nɛ Yesu kaŋɛ mo: “Nɛ fee sha kebaadu cheembi, fo ya fa fo asɔ kikɛ n ta amo be amansherbi n sa betirpo, loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Matiu 19:21 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 19:20

Nɛ kabrantiɛbia na kaŋɛ Yesu le: “M bɛ ade kikɛ so, manɛ e naŋ ka ma?”

Matiu 19:22

Kanyɛn na ka nu loŋ nɛ e kilgi n yɔ nɛ kagbenejija, ŋkpal manɛ so, e daa kɔ asɔ ga.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 4:19

Ndoŋ nna nɛ e kaŋɛ bumo le: “Men ba bɛ ma so nɛ ŋ ŋini menyi kananɛ menyeeŋ baa keta basa a ba ma kutɔ.”

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Matiu 8:22

Nɛ Yesu kaŋɛ mo le: “Bɛ ma so nseŋ shin nɛ basa nɛ b du fanɛ bubuni na e baa puli bumo braana bubuni.”

Matiu 9:9

Kede be kaman nɛ Yesu lar ndoŋ a yɔ n ya wu lamposɔpo nɛ baa tre Matiu na nɛ e tase mbe eshuŋkpa nɛ Yesu kaŋɛ mo: “Bɛ ma so.” Nɛ Matiu koso m bɛ mo so.

Maak 10:21

Nɛ Yesu keni mo kashaso ŋ kaŋɛ: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ n ta amo be amansherbi n sa betirpo. Loŋ nɛ feeŋ nya ekpanjawu ashi ebɔrɛso.

Maak 2:14

E ka bee choŋ nɛ e wu lamposɔpo Livai, Alfias pibi nɛ e tase mbe eshuŋkpa nɛ Yesu kaŋɛ mo: “Bɛ ma so.” Nɛ Livai koso m bɛ mo so.

Maak 8:34

Nɛ Yesu tre jimaŋ na nɛ mbe bebɛsopo m ba shɛr ŋ kaŋɛ bumo: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 14:33

To, nɛ men be ekama baa maŋ kplaŋ kusɔ kikɛ nɛ e kɔ so, e maaŋ tiŋ a la ma ebɛsopo.

Luuk 16:9

Ade kikɛ be kaman nɛ Yesu kaŋɛ le: “To, ma e kaŋɛ menyi na fanɛ men baa ta durnya to be kanya a ji basa keteri, saŋɛ na so, nɛ a ba loge, menyeeŋ nya kowu ashi bumo kutɔ nɛ kumo be kebaawɔtɔ maŋ kɔ ekar na n ya kaa wɔtɔ.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 5:27

Kede be kaman nɛ Yesu lar a yɔ n ya wu lamposɔpo nɛ baa tre Livai na nɛ e tase mbe eshuŋkpa nɛ Yesu kaŋɛ mo: “Bɛ ma so.”

Luuk 6:40

Ekoyapo kikɛ maŋ chɔ mbe eŋinipo. Ama ekoyapo na baŋ koya n ya loge, e beeŋ ki fanɛ mbe eŋinipo na.

Luuk 9:23

Nɛ e naŋ kaŋɛ bumo kikɛ: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato kachɛ kama m bɛ ma so.

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Ashuŋ Shunso 2:45

Saŋko baa fa bumo be ekpanjawu to be asɔ nna a ta amo be amansherbi a chige a sa bumo to be ekama kanaŋkamaso nɛ a daga ekama ka nya.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.