Matiu 18:31 - EBƆRƐ BE KAWƆL

³¹ Mo braana nyɛrbi nɛ b ka na ka wu asheŋ nɛ a wora na kikɛ nɛ bumo be ŋgbene jija bumo ga nɛ b ya kaŋɛ bumo nyɛnpe asheŋ nɛ a wora na kikɛ be asheŋ nyam.

Matiu 18:31 ပူးပေါင်းရင်းမြစ်များ

Jɛnesis 37:2

Jeekɔb nɛ mbe kanaŋ to ebi be asheŋ nde. Josɛf ka daŋ n fo nfɛ kuduashunu na nɛ mo nɛ mo da nyɛnsoana nɛ b la mo tuto be beche Bilha nɛ Zilpa be mbia na daa kpa mbolpɔ. Loŋ be saŋɛ na so Josɛf daa wɔtɔ nna a ta mo daana na be asheŋ woraso m ba kaa kute a sa mo tuto.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 119:158

Ŋ kishi basa kama nɛ b maŋ kɔ yirda n sa fo, ŋkpal manɛ so, b maa wora fo mbraana kasonu.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Matiu 14:9

Ndoŋ nna nɛ Ewura na be kagbene jija mo, ama ŋkpal ntaŋana nɛ e bɔ mbe befɔ na be anishito na so nɛ e gben n sa ekpa fanɛ b wora kusɔ nɛ kebichebi na daŋ kule na.

Matiu 18:28

Ama kayɛrbi na ka lar n ya wu mo barkasa kayɛrbi ko malɛ ka ji mo kukɔ fanɛ bɔtɛ koŋwule, nɛ e nyaŋ mbe kubɔ to nsaa ponte mo so a kaŋɛ le: ‘Ka ma kukɔ nɛ fo ji na.’

Matiu 18:30

Ama e kini mo barkasa na be kekule na nseŋ shin nɛ b ya ti mo barkasa na ebu nɛ e baa wɔ ndoŋ loŋ n ya fo saŋɛ nɛ e beeŋ tiŋ ŋ ka kukɔ na.

Matiu 18:32

Ndoŋ nna nɛ enyɛnpe na tre kayɛrbi na m ba kaŋɛ mo: ‘Kayɛrbi dalubiwura ere, ŋ kpra fo kukɔ nɛ fo ji ma na kikɛ nyam n lɛ ŋkpal fo ka kule ma kenishipereso so.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Luuk 14:21

Ndoŋ nna nɛ kenya na ta asheŋ na m bɛta n ya kaŋɛ mo nyɛnpe. Nɛ kowurnyɛn na nya agbo nseŋ kaŋɛ mbe kenya na le: ‘Lar manaŋ manaŋ n yɔ kadegboŋ ere to be abɔrbi nɛ kumo be akɔlɔbiana to n shin nɛ betirpo nɛ basa dulgiso nɛ betanpo nɛ eyurwusowuraana e ba.’

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

2 Kɔrintebi 11:21

Kashenteŋto, n shuli kejija fanɛ anyi ere ka daa maŋ tiŋ n nya kagbene n wora loŋ. Ama kusɔ kama nɛ esa kama beeŋ tiŋ n nya kagbene m puchi kumo so, mee malga fanɛ ewulpo nna na, ma alɛ gba beeŋ tiŋ n nya kagbene m puchi loŋ!

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.