Matiu 18:28 - EBƆRƐ BE KAWƆL

²⁸ Ama kayɛrbi na ka lar n ya wu mo barkasa kayɛrbi ko malɛ ka ji mo kukɔ fanɛ bɔtɛ koŋwule, nɛ e nyaŋ mbe kubɔ to nsaa ponte mo so a kaŋɛ le: ‘Ka ma kukɔ nɛ fo ji na.’

Matiu 18:28 ပူးပေါင်းရင်းမြစ်များ

Nehemaya 10:31

Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

Nehemaya 5:7

Ndoŋ nna nɛ n fɛ kumo be asheŋ nseŋ kaŋɛ bejuŋkparpoana na nɛ ekrachiana na le: “Manɛ nna nɛ menyee paŋ menyi be basa gbagba amansherbi nsaa wɔtɔ bumo nchu? Kumo be kaman nɛ n tre ekama n shɛr nseŋ malga ŋ gbiti bejuŋkparpoana na ŋ kaŋɛ bumo le,

Aŋasa 28:3

Ejuŋkparpo nɛ e bee mɛaŋ betirpo, du nna fanɛ bɔrɛgboŋ nɛ k bee jija adɔjibi na.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Ezikɛl 45:9

Ade be kaman nɛ Enyɛnpetale Ebɔrɛ na naŋ kaŋɛ le: “Fo nɛ fee ji Israɛl so kuwura na wora alubi n chɛr pasaa! Yige fo kebagato nɛ kanyaŋ be asheŋ na nsaa wora kusɔ nɛ k daga nseŋ bɔla ekpa. A maŋ daga fanɛ fo naŋ ju ma basa n lar bumo be kasawule so kikɛ. Ma, Enyɛnpetale Ebɔrɛ na e naa kaŋɛ fo le na.

Matiu 18:27

Nɛ kayɛrbi na wura wu mo kuwɔr nseŋ ta kukɔ na kikɛ m paŋ mo nseŋ shin nɛ e yɔ.

Matiu 18:29

Ndoŋ nna nɛ mo barkasa kayɛrbi na gbir ŋ kule mo kenishipereso ŋ kaŋɛ: ‘Baa ji ma kanyiti, meeŋ ka fo kukɔ na.’

Matiu 20:2

E ka nya bumo nɛ mo nɛ bumo ji n yili fanɛ e ka bumo lebra be kachɛ koŋwule be kakɔka. Kumo be kaman nɛ e yɛr bumo mbe ndibi be kudɔ na to.

Maak 14:5

B daa beeŋ tiŋ n ta tulale ere n fa n nya a chɔ pɔŋ alfa asa n ta amansherbi na n sa betirpo.” Nɛ b malga kache na ga.

Maak 6:37

Nɛ Yesu kaŋɛ bumo: “Menyi gbagba e sa bumo kusɔ ko nɛ b ji.” Nɛ b bishi mo: “Fee sha an ka ya tɔ pɔŋ alfanyɔso be bodobodo nna m ba sa bumo nɛ b ji a?”

Luuk 10:35

Kumo be ŋklade nɛ e lara gbiti be ndarbi anyɔ n sa befɔ be ebukenipo na nseŋ kaŋɛ mo: ‘Baa keni mo so nɛ ŋ ka naŋ ya bɛta m ba nɛ fo jija amansherbi ko n ti so, meeŋ ka fo.’ ”

Luuk 7:41

Nɛ Yesu kaŋɛ: “Benyɛn anyɔ ko e daŋ ji amansherbipampo ko be kukɔ. Eko be kukɔ daa la pɔŋ alfa anu nɛ eko malɛ peya daa la pɔŋ adunu.

Baru lela nɛ Jɔn kute na 6:7

Ndoŋ nna nɛ Filip kaŋɛ mo le: “Cha, pɔŋ alfa anyɔ gba be bodobodo maaŋ fo basa ere kikɛ nɛnɛ.”

Ditɛronɔmi 15:2

Kananɛ menyeeŋ baa wora kumo nde: Menyi to be ekama nɛ mo barkasa Israɛl be esa paŋ amansherbi mo kutɔ beeŋ kpra kukɔ na. E sa maŋ naŋ sɔ amansherbi na, ŋkpal manɛ so, Enyɛnpe Ebɔrɛ na gbagba e kpra kukɔ na.