Matiu 18:16 - EBƆRƐ BE KAWƆL

¹⁶ Ama nɛ e baŋ kini kenu n sa fo, keta esa koŋwule ŋko basa anyɔ ko n ti fo kumu so nɛ men yɔ. Saŋɛ na so kusɔ kama beeŋ yili basa anyɔ ŋko basa asa be shɛda be keji so.

Matiu 18:16 ပူးပေါင်းရင်းမြစ်များ

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

Nɔmbɛs 35:30

Basa anyɔ baŋ ji shɛda fanɛ esa mɔ esa, kumo ere a daga b ka mɔ amodoŋwura gba. Esa koŋwule be shɛda bre maaŋ tiŋ n shin nɛ b mɔ esa nɛ e mɔ esa.

Baru lela nɛ Jɔn kute na 8:17

Menyi alɛ gbagba be mbra to nɛ b sibɛ fanɛ basa anyɔ baŋ ji kesheŋ koŋwule be shɛda, kesheŋ na la kashenteŋ nna.

2 Kɔrintebi 13:1

Ŋ ka bee ba nɛ m ba bɔɔ menyi so ere e ti so kela sasopo. Abɔrɛsibɛ na malɛ e naa kaŋɛ loŋ fanɛ a daga fanɛ kesheŋ kama, basa anyɔ ŋko besa e ji kumo be shɛda pɔɛŋ nɛ k nya edesekpa.

Ditɛronɔmi 17:6

Ama pɔɛŋ nɛ men kpa bumo ajembu m mɔ, a daga fanɛ basa anyɔ ŋko basa damta ka ji shɛda fanɛ kashenteŋ nɛ b wora kulubi na. A maŋ daga fanɛ men mɔ bumo ŋkpal esa koŋwule be shɛda so.

Ditɛronɔmi 19:15

Esa koŋwule be shɛda maaŋ tiŋ n shin nɛ esa e ji n tɔr ashi kulubi to. Kanaŋkama, basa anyɔ ŋko besa e daga fanɛ b ji shɛda pɔɛŋ nɛ esa e ji n tɔr ashi kulubi to.

1 Timoti 5:19

Esa koŋwule baŋ ba kaŋɛ fo enimu ko be kulubi be asheŋ, sa maŋ nu n sa mo epul na to she eshɛdajipoana wora benyɔ ŋko besa nna.

Hibruwebi 10:28

Esa kama nɛ e keni anebi Mosis be mbra na jiga nɛ basa anyɔ baŋ ji kumo be loŋ be shɛda, amodoŋwura bee wu nna, kuwɔr maŋ wɔtɔ n sa mo.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”