Matiu 18:14 - EBƆRƐ BE KAWƆL

¹⁴ To, loŋ koŋwule na gbagba chap nɛ men Tuto nɛ e wɔ ebɔrɛso na gba maa sha fanɛ mbibi ere be ekama e foe ekpa.”

Matiu 18:14 ပူးပေါင်းရင်းမြစ်များ

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 18:13

Ma e kaŋɛ menyi kashenteŋto na fanɛ, nɛ e baŋ ya wu kumo, mbe kagbene beeŋ fuli mo kukoŋwule na so a chɔ adekpanu nɛ akpanu nɛ a maŋ bɔla kakpa ko n foe kikɛ na.

Matiu 18:15

Nɛ fo kurgepo baŋ wora kulubi n da fo so, yɔ mo kutɔ n ya kaŋɛ mo mbe kulubi na fo nɛ mo nawule. Nɛ e baŋ nu n sa fo, kumo ere fo naŋ nya fo kurgepo m mata fo kumu nna na.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Matiu 6:32

Loŋ be asɔ ere kikɛ nɛ basa nɛ b maŋ nyi Ebɔrɛ na bee yela kenishi to a fin. Ama men Tuto Ebɔrɛ nɛ e wɔ ebɔrɛso na nyi a ka daga fanɛ men nya loŋ be asɔ na kikɛ.

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Baru lela nɛ Jɔn kute na 17:12

Ŋ ka daa wɔ bumo kutɔ na fo ketre nɛ fo sa ma na be eleŋ na nɛ n daa ta a keni bumo so nsaa kuŋ bumo ashi kulubi to. Bumo be ekama maŋ foe ekpa she emo nɛ e chɛr a beeŋ foe na, saŋɛ na so abɔrɛsibɛ na be kamalga na beeŋ bɔlɔ.

Baru lela nɛ Jɔn kute na 21:15

B ka ji n loge nɛ Yesu bishi Saimɔn Pita le: “Saimɔn, Jɔn pibinyɛn, fee sha ma kashenteŋto a chɔ bede ere a?” Nɛ Pita kaŋɛ mo: “Mm Enyɛnpe, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔbi so.”

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Hibruwebi 12:13

Men lɔŋɛ ekpa niŋiso nɛ menyee bɔla so na, saŋɛ na so, menyi to be bumo nɛ b maŋ kɔ eleŋ na maaŋ foe ekpa, ama baaŋ baa kɔ eleŋ.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.