Matiu 18:13 - EBƆRƐ BE KAWƆL

¹³ Ma e kaŋɛ menyi kashenteŋto na fanɛ, nɛ e baŋ ya wu kumo, mbe kagbene beeŋ fuli mo kukoŋwule na so a chɔ adekpanu nɛ akpanu nɛ a maŋ bɔla kakpa ko n foe kikɛ na.

Matiu 18:13 ပူးပေါင်းရင်းမြစ်များ

Nshɛ 147:11

Basa nɛ baa bunyaŋ mo nɛ bumo nɛ bumo be yirda wɔ mbe kasha nɛ k maa chɛrga na so be asheŋ e naa par mo nsaa fuli mbe kagbene.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Aizaaya 62:5

Kananɛ kabrantiɛbia bee wora kasuŋgurbia nɛ e maŋ nyi enyɛn kejafɔ a ta mo a ki mbe eche na nɛ Ebɔrɛ nɛ e to fo na gba beeŋ kre fo kejafɔ nɛ fo ki mbe eche. Kananɛ kejafɔ mo kul be kagbene bee fuli mbe kejafɔ so na, nɛ Ebɔrɛ gba be kagbene beeŋ baa fuli fo so.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Matiu 18:12

Kede be kaman nɛ e bishi bumo: “Men kaŋɛ ma menyi be nfɛra kesheŋ ere to. Nɛ fanɛ esa ko kɔ mbolpɔ kalfa nɛ kuko bɔla kakpa ko n foe, mbolpɔ na wura maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k bɔla kakpa ko n foe na a?

Matiu 18:14

To, loŋ koŋwule na gbagba chap nɛ men Tuto nɛ e wɔ ebɔrɛso na gba maa sha fanɛ mbibi ere be ekama e foe ekpa.”

1 Kɔrintebi 13:6

Kasha wɔ esa to, mbe kagbene maa fuli mo ŋkpal kulubi so, kashenteŋ e naa fuli mbe kagbene.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.