Matiu 18:12 - EBƆRƐ BE KAWƆL

¹² Kede be kaman nɛ e bishi bumo: “Men kaŋɛ ma menyi be nfɛra kesheŋ ere to. Nɛ fanɛ esa ko kɔ mbolpɔ kalfa nɛ kuko bɔla kakpa ko n foe, mbolpɔ na wura maaŋ yige adekpanu nɛ akpanu nɛ a ka na kiyi to nseŋ ya fin kukoŋwule nɛ k bɔla kakpa ko n foe na a?

Matiu 18:12 ပူးပေါင်းရင်းမြစ်များ

1 Bewura 21:17

Ndoŋ nna nɛ Enyɛnpe Ebɔrɛ kaŋɛ anebi Elaija nɛ e shi Tishbe be kade to na le:

Nshɛ 119:176

N la fo kayɛrbi nna nseŋ foe n luri to fanɛ kubolpɔ. Amoso jande fin ma, ŋkpal manɛ so, m maaŋ teŋ fo mbraana so kikɛ.

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Ezikɛl 34:12

fanɛ kananɛ mbolpɔkpapoana bee keni bumo be mbolpɔ nɛ b daŋ pesaŋ to nɛ b naŋ ya bar bumo abar so na. Ma alɛ beeŋ bɛta bumo n shi mboŋ nɛ b pesaŋ to n yɔ kachɛ nɛ asheŋ daŋ maŋ nite nɛnɛ n sa bumo na kikɛ m ba.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:28

Loŋ be jemanɛ so, efuli pɔtɛana maaŋ naŋ tiŋ m ba kɔ n suge bumo be asɔbɔya, nɛ kupuŋ to be asɔ lubi gba maaŋ naŋ pɛ bumo n ji. Baaŋ chena kayurwushi so nna nɛ esa kama maa naa funti bumo.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.

Ezikɛl 34:6

Ma mbolpɔ ya kaa na abeegboŋ nɛ abeebi so nna. B daŋ pesaŋ to nna a wɔ durnya be kaplɛkama nɛ esa kikɛ malɛ daa maŋ keni n fin bumo.

Matiu 12:11

Nɛ Yesu malɛ bishi bumo: “Nɛ fanɛ menyi be eko kɔ kubolpɔ koŋwule nɛ k tɔr kemaŋ chiŋgeliŋ to kewushiachɛ na, kumowura maaŋ ya pɛ kumo n lara a?

Matiu 18:13

Ma e kaŋɛ menyi kashenteŋto na fanɛ, nɛ e baŋ ya wu kumo, mbe kagbene beeŋ fuli mo kukoŋwule na so a chɔ adekpanu nɛ akpanu nɛ a maŋ bɔla kakpa ko n foe kikɛ na.

Matiu 21:28

Nɛ Yesu naŋ kaŋɛ: “Nuso nɛ menyee fɛ keŋasa ere to? Kanyɛn ko e daa wɔtɔ a kɔ mbinyɛnsobi anyɔ, kachako e yɔ enimuso na kutɔ n ya kaŋɛ mo: ‘M pibi yɔ ma ndibi be kudɔ to kabre n ya dɔ ma.’

Matiu 22:42

“Nuso nɛ menyee fɛ Ebɔrɛ be esa laraso Kristo na be asheŋ? Wanɛ pibi e la mo?” Nɛ b kaŋɛ mo: “Ewura Deevid mo Nanabi.”

1 Kɔrintebi 10:15

Mee malga menyi kutɔ nna fanɛ benyiashempo, amoso, men gbagba e fɛ asheŋ nɛ mee malga ere be nfɛra ŋ keni.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.