Matiu 17:6 - EBƆRƐ BE KAWƆL

⁶ Bebɛsopo na ka nu loŋ nɛ kufu pɛ bumo nɛ b tɔr m pugi bumo be anishi so.

Matiu 17:6 ပူးပေါင်းရင်းမြစ်များ

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

Ezikɛl 3:23

Ndoŋ nna nɛ ŋ koso n yɔ ketaŋɛ na to nseŋ ya wu fanɛ Enyɛnpe Ebɔrɛ na be kemaŋkura sɔ kaplɛkama, fanɛ kumo nɛ n daŋ wu ashi Lɔr nɛ baa tre Kɛba ase na, nɛ n ta enɔ m buu anishi so nseŋ tɔr epun so.

Ezikɛl 43:3

Bɔrɛdare nɛ n wu ere daa du fanɛ amo nɛ n daŋ wu jemanɛ nɛ Ebɔrɛ daŋ ba nɛ e ba mur kadegboŋ nɛ baa tre Jerusalɛm na nna nɛ jemanɛ nɛ n daa wɔ lɔr nɛ baa tre Kɛba na ase na nna. Ndoŋ nna nɛ n ta enɔ m buu anishi so nseŋ kurgi kumu n yuu to epul na to.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Levitikɔs 9:24

Epul na to nɛ Enyɛnpe Ebɔrɛ na shin nɛ edɛ ba buu sarga chɔɔso na nɛ nfɔ na kikɛ so bɔrɛsure na so n chɔɔ amo m mur. Basa na kikɛ ka wu loŋ nɛ b boŋ to kagbenefuliso n ta enɔana m buu bumo be anishi so nseŋ kur amu n yuu to.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 17:7

Ama Yesu ba beta m beta bumo nseŋ kaŋɛ: “Men niŋi to, men sa maa lɔ kufu.”

Ashuŋ Shunso 22:7

Ndoŋ nna nɛ n tɔr kasawule nseŋ nu ebɔl ka bee bishi ma: ‘Sɔɔl, Sɔɔl, manɛ e ba nɛ fee tɔrɔ ma?’

Ashuŋ Shunso 26:14

Ndoŋ nna nɛ anyi kikɛ tɔr kasawule nɛ n nu ebɔl ko ka bee bishi ma Hibruw to: ‘Sɔɔl, Sɔɔl, manɛ e ba nɛ fee tɔrɔ ma? Fo gbagba be kumu nɛ fee doro fanɛ kananɛ kena bee to keya a sela mo nyɛnpe be kekpabi a doro mo gbagba be kumu na.’

2 Pita 1:18

Ebɔl na ka daŋ shi ebɔrɛso m ba saŋɛ nɛ anyi nɛ mo daa la kebee cheembi na so na, anyi alɛ gba daŋ nu kumo.

Demujipoana 13:20

Jemanɛ nɛ edɛ na bee suse na, nɛ Enyɛnpe Ebɔrɛ be malaika na bɛ edɛ na be adondulombi na so n yɔ ebɔrɛso. Manoa nɛ mbe eche ka wu kusɔ nɛ k wora na, nɛ b nyaŋ anishi m buu so nseŋ kurgi amu n yuu to.

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”