Matiu 17:3 - EBƆRƐ BE KAWƆL

³ Kumo be kaman nɛ bebɛsopo asa na wu anebi Mosis nɛ anebi Elaija ka ba kaa malga Yesu kutɔ.

Matiu 17:3 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

Malakai 4:5

Ama pɔɛŋ nɛ ma Enyɛnpe Ebɔrɛ be kachɛ lubi nɛ k beeŋ shin nɛ kufu nɛ kechicha chicha e pɛ basa na e ba, meeŋ shuŋi anebi Elaija menyi kutɔ.

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Matiu 17:4

Ndoŋ nna nɛ Pita kaŋɛ Yesu: “Enyɛnpe, anyi be kebaawɔ nfe ere nyalɛ ga. Nɛ fee sha, meeŋ yuu abuu asa nfe nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.”

Maak 9:4

Kumo be kaman nɛ bebɛsopo asa na wu anebi Elaija nɛ anebi Mosis nɛ baa malga Yesu kutɔ.

Luuk 1:17

E beeŋ ba kaa la kenya nɛ e beeŋ juŋkpar Enyɛnpe na a kɔ eleŋ nɛ Kiyoyu Cheeŋ nɛ anebi Elaija daŋ nya na. E beeŋ bar betuto nɛ bibi abar so n shin nɛ amukpakpasowuraana e fara a fɛ basa cheembi be nfɛra. E beeŋ chala basa n sa Enyɛnpe n shin nɛ b bela ase a jo mo.”

Luuk 16:16

Mbra nɛ Ebɔrɛ daŋ bɔla anebi Mosis to n sa na nɛ asheŋ nɛ anebiana na daŋ malga na daŋ tar Jɔn kabɔrɛbɛrpo so nna. Yili mbe jemanɛ na a ba, Ebɔrɛ be kuwura na so be baru lela be kubɔya nɛ baa bɔ nɛ ekama bee kɔ a fin keluri kuwura na to.

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Luuk 9:33

Basa na ka bee yɔ a ka Yesu, nɛ Pita kaŋɛ Yesu: “Enyɛnpe, anyi be kebaawɔ nfe ere nyalɛ ga, anyeeŋ yuu abuu asa nɛ kukoŋwule e baa la feya nɛ kukoŋwule e baa la Mosis peya nɛ kukoŋwule malɛ e baa la Elaija peya.” Kashenteŋto, e daa maŋ nyi kusɔ nɛ e daa malga.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.