Matiu 17:27 - EBƆRƐ BE KAWƆL

²⁷ Ama ŋkpal a ka maŋ daga an ka fɛl bumo na so, yɔ kepagboŋ na to n ya lɛ dariwa m bugi kɔrɔtɔ nɛ feeŋ fara m pɛ na be kɔnɔ to. Feeŋ nya kemansherbi kumo to. Lara kumo n ya ka ma nɛ fo be lampo.”

Matiu 17:27 ပူးပေါင်းရင်းမြစ်များ

Jɛnesis 1:28

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

1 Bewura 17:4

Ŋ kaŋɛ emɔmɔ fanɛ b baa sa fo ajibi ndoŋ nɛ fo baa nuu kabombi na to be nchu malɛ.”

Nshɛ 8:8

nɛ mbuibi nɛ ekɔrɔtɔ nɛ teku to be asɔ kikɛ m bɔɔ mo enɔ nna.

Jona 1:17

Ndoŋ nna nɛ Enyɛnpe Ebɔrɛ shin nɛ kɔrɔtɔgboŋ ko ba ta Jona m min, nɛ e ji nchɛ asa nɛ nnyɛ asa ashi kɔrɔtɔgboŋ na be epunto.

Jona 2:10

Ade be kaman nɛ Enyɛnpe Ebɔrɛ shin nɛ kɔrɔtɔ na ya gbu Jona n nase kedeŋi so ashi teku na be ekarso.

Matiu 17:26

Nɛ Pita kaŋɛ: “Basa pɔtɛ nɛ baa sɔ.” Nɛ Yesu kaŋɛ mo: “Kumo ere bumo be mbia maŋ ti so nna na.

Matiu 18:6

Nɛ ekama malɛ nɛ e shin nɛ le be mbibi nɛ b yirda ma ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo gboŋgboŋi n chɛ n shiga mbe kubɔ to nseŋ ta mo n lɛ n wɔtɔ teku be kaboŋ chiŋgeliŋ to nɛ e ji nchu.

Matiu 18:8

Nɛ fo enɔ ŋko fo keya bee shin nɛ fee luri alubi to, fo ku kumo n lɛ, ŋkpal manɛ so, fo ka dulgi ŋko fo ka la bobi nseŋ luri ŋkpa to e bɔ fo so a chɔ fo ka kɔ fo enɔ anyɔ nɛ aya anyɔ kikɛ nɛ b ta fo n lɛ edɛ nɛ a maa duŋ kikɛ na to.

Matiu 5:29

Nɛ fo jiso be kenishi malɛ bee shin nɛ fee luri alubi to, fo chule kumo n lɛ, ŋkpal manɛ so, fo ka paŋ fo eyur be kaba koŋwule nseŋ luri Ebɔrɛ be kuwura na to e bɔ fo so a chɔ b ka ta fo eyur kikɛ n lɛ Setani be edɛ to.

Matiu 5:30

Nɛ fo enɔjiso bee shin nɛ fee luri alubi to, fo ku kumo n lɛ, ŋkpal manɛ so, fo ka paŋ fo eyur be kaba koŋwule nseŋ luri Ebɔrɛ be kuwura na to e bɔ fo so a chɔ fo eyur kikɛ ka luri Setani be edɛ to.

Maak 9:42

Ndoŋ nna nɛ e naŋ kaŋɛ: “Ekama nɛ e shin nɛ mbibi nɛ b yirda ma ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo gboŋgboŋi n shiga mbe kubɔ to nseŋ ta mo n lɛ n wɔtɔ teku to nɛ e ji nchu.

Maak 9:43

Amoso, nɛ fo enɔ bee shin nɛ fee luri alubi to, fo ku kumo n lɛ, ŋkpal manɛ so, fo ka dulgi nseŋ luri ŋkpa to e bɔ fo so a chɔ fo ka ta enɔ anyɔ n luri Setani be edɛ nɛ b maaŋ tiŋ n duŋ kikɛ na to.

Luuk 17:2

Ekama nɛ e shin nɛ mbibi ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo n shiga mbe kubɔ to nseŋ ta mo n lɛ n wɔtɔ teku to nɛ e ji nchu.

Baru lela nɛ Jɔn kute na 6:61

Yesu ka pin fanɛ mbe bebɛsopo daa bile asheŋ nna ŋkpal kesheŋ na so nɛ e bishi bumo: “Kesheŋ nɛ m malga na bee pɔ menyi aba nna ŋko?

Romebi 14:21

Nɛ fo nyi fanɛ fo we eblaŋ ko ŋko n nuu nsa ŋko n wora kusɔ kama nɛ k beeŋ shin nɛ fo niopibi e foe ekpa bre, fo ka maŋ wora amo be kekama bɔ.

1 Kɔrintebi 8:13

Amoso, nɛ ajibi baa la asɔ nɛ a bee shin nɛ n niopibi bee tɔr, kumo ere m maaŋ naŋ we eblaŋ kikɛ, saŋɛ na so m maaŋ shin nɛ n niopibi na e tɔr.

1 Kɔrintebi 8:9

Ama men baa da so nɛ le be kamooji mo nɛ men kɔ ere e sa maŋ shin nɛ bumo nɛ b maŋ kɔ eleŋ yirda na to na e tɔr alubi to.

2 Kɔrintebi 6:3

An maa sha esa kama ka wu anyi be kushuŋ ere kulubi, amoso, anyi maa sha keta shɛŋ shɛŋ ŋ kagle esa kama ekpa.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

1 Tɛsalɔnikaebi 5:22

m barga menyi be amu ashi kulubi be yiri kikɛ to.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.