Matiu 17:1 - EBƆRƐ BE KAWƆL

¹ Asheŋ nɛ Yesu malga na be nchɛnshe be kaman nɛ e keta Pita nɛ Jeems nɛ mo sipo Jɔn nɛ mo nɛ bumo nawule ya dii kebee jeŋgreŋ ko so n ya chena ndoŋ gbrɛbi.

Matiu 17:1 ပူးပေါင်းရင်းမြစ်များ

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Matiu 26:37

Ndoŋ nna nɛ e keta Pita nɛ Zɛbedi be mbia anyɔ na n ti mbe kumu so n yɔ nɛ kagbenejija nɛ kafɔŋ tɔr mo so.

Maak 13:3

Kamalga na be kaman nɛ Yesu lar ndoŋ n ya kaa tase Ɔlifs be kebee na so, bɔrɛlambu be kaba ndoŋ, nɛ Pita nɛ Jeems nɛ Jɔn nɛ Andru ba mo kutɔ m ba ŋana m bishi mo:

Maak 5:37

E maŋ shin nɛ ekama bɛ mo so she Pita nɛ Jeems nɛ mo sipo Jɔn.

Luuk 8:51

E ka fo kowu na akpa, e maŋ shin nɛ ekama bɛ mo so n luri she Pita nɛ Jɔn nɛ Jeems nɛ kebia na mo tuto nɛ mo nio nawule.

2 Kɔrintebi 13:1

Ŋ ka bee ba nɛ m ba bɔɔ menyi so ere e ti so kela sasopo. Abɔrɛsibɛ na malɛ e naa kaŋɛ loŋ fanɛ a daga fanɛ kesheŋ kama, basa anyɔ ŋko besa e ji kumo be shɛda pɔɛŋ nɛ k nya edesekpa.

2 Pita 1:16

Men baa nyi fanɛ mannɛ dimɛdi be kanyiashenso be nfɛra fɛso be ablɔmbi so nɛ an daa bɛ saŋɛ nɛ an daŋ kaŋɛ menyi an Nyɛnpe Yesu Kristo be eleŋ nɛ mbe keba be asheŋ na. An daŋ wu kemaŋkura na kenishiso.

2 Pita 1:18

Ebɔl na ka daŋ shi ebɔrɛso m ba saŋɛ nɛ anyi nɛ mo daa la kebee cheembi na so na, anyi alɛ gba daŋ nu kumo.