Matiu 16:24 - EBƆRƐ BE KAWƆL

²⁴ Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 16:24 ပူးပေါင်းရင်းမြစ်များ

Matiu 10:38

Esa kama nɛ e maŋ sulɔ mbe kedibi largato m bɛ ma so maŋ daga e ka la meya.

Matiu 27:32

B ka bee yɔ nɛ b ya shɛr Sairini be kanyɛn ko to nɛ baa tre Saimɔn nɛ b tintiŋ mo nɛ e sulɔ Yesu be kedibi largato na.

Maak 10:21

Nɛ Yesu keni mo kashaso ŋ kaŋɛ: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ n ta amo be amansherbi n sa betirpo. Loŋ nɛ feeŋ nya ekpanjawu ashi ebɔrɛso.

Maak 15:21

B ka bee yɔ nɛ b ya shɛr Sairini be kanyɛn ko nɛ baa tre Saimɔn to nɛ e shi adɔ to a luri kadegboŋ na to nɛ b tintiŋ mo nɛ e sulɔ Yesu be kedibi largato na. Kanyɛn na daa la Alɛkzaanda nɛ Rufes bumo tuto nna.

Maak 8:34

Nɛ Yesu tre jimaŋ na nɛ mbe bebɛsopo m ba shɛr ŋ kaŋɛ bumo: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Luuk 14:27

Esa kama nɛ e maŋ sulɔ mbe kedibi largato m bɛ ma so, maaŋ tiŋ a la ma ebɛsopo.

Luuk 23:26

B ka kɔ mo a yɔ nɛ b ya nyaŋ Sairini be kanyɛn ko nɛ baa tre Saimɔn nɛ e shi adɔ to a luri kade to n tintiŋ mo nɛ e sulɔ Yesu be kedibi largato na m bɛ Yesu so.

Baru lela nɛ Jɔn kute na 19:17

Ndoŋ nna nɛ esoji na keta Yesu n lar n choŋ. B daŋ shin nɛ e lar ndoŋ nna n sulɔ mbe kedibi largato m ba fo kakpa nɛ baa tre Kumuwibi be Kakpa na. Juwebi bee tre ndoŋ Gɔlgata.

Baru lela nɛ Jɔn kute na 21:19

Yesu daŋ kaŋɛ le nna a ŋini luwu mo nɛ Pita daa beeŋ wu m maŋkura Ebɔrɛ na. Kumo be kaman nɛ e kaŋɛ Pita: “Bɛ ma so.”

Baru lela nɛ Jɔn kute na 21:22

Nɛ Yesu bishi Pita: “Nɛ mee sha fanɛ e baa wɔ ŋkpa to hale nɛ n ya ba bre, k nya fo nnɛ nna? Fo ere e bɛ ma so de!”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

1 Tɛsalɔnikaebi 3:3

Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.