Matiu 16:23 - EBƆRƐ BE KAWƆL

²³ Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 16:23 ပူးပေါင်းရင်းမြစ်များ

Jɛnesis 3:17

Enyɛnpe Ebɔrɛ ka malga n sa eche na n loge nɛ e kilgi ŋ kaŋɛ enyɛn na malɛ le: “Ŋkpal fo ka nu n sa fo eche n ji kusɔrso nɛ ŋ kaŋɛ fo sa maŋ kaŋ ji na so so, meeŋ sho kasawule ere kɔnɔ ŋkpal fo so. Pɔɛŋ nɛ fo nya n ji, feeŋ baa wɔtɔ nna a ji awurfoŋ a nyɛa kebleŋ ashi fo kebaawɔtɔ to kikɛ.

2 Samuɛl 19:22

Ama Deevid daŋ kaŋɛ Abishai nɛ mo da Jɔab nna le: “Menyi e naa ŋini ma kusɔ nɛ meeŋ wora a? Ŋko asheŋ nɛ menyee sha nɛ men fin n sa ma a? Naniere bre, ma e la Israɛl kikɛ be ewura, ma alɛ maa sha fanɛ b mɔ Israɛl be esa kikɛ kabre.”

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

Aizaaya 8:14

Ŋkpal ma kecheembiya ka bee keta kufu so n du fanɛ kejembu gboŋ nɛ k pul nɛ basa bee fiti kumo a tɔr na nna. Ma alɛ naa du fanɛ kejigbelɛ nɛ k beeŋ pɛ Juda nɛ Israɛl be efuliana so nɛ Jerusalɛm to be basa nna.

Matiu 16:22

Ndoŋ nna nɛ Pita keta mo n lar ekarso n ya fara nɛ e fiɛ mo so a kaŋɛ: “Enyɛnpe, Ebɔrɛ e yɛr kusɔ nɛ fo kaŋɛ na kufɔ. Loŋ be kesheŋ maŋ daga k kaa nya fo kikɛ.”

Matiu 18:7

Asheŋ maaŋ nyalɛ n sa durnya ere kikɛ ŋkpal asɔ nɛ a wɔ kumo to a shin nɛ basa bee wora alubi na so. A daga loŋ be asɔ ka ba, ama asheŋ maaŋ nyalɛ n sa nyiŋgbasa kama nɛ a beeŋ bɔla mo so m ba na.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Maak 8:33

Ama Yesu kilgi ŋ keni mbe bebɛsopo nseŋ fiɛ Pita so ŋ kaŋɛ: “Shile ashi ma so Setani. Fo nfɛra ere la nyiŋgbasa be nfɛra nna, a maŋ la Ebɔrɛ peya.”

Luuk 4:8

Nɛ Yesu kaŋɛ mo: “Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Baru lela nɛ Jɔn kute na 6:70

Nɛ Yesu kaŋɛ: “Kashenteŋto, ma e lara menyi basa kuduanyɔ ere, ama menyi to be eko la alubipo nna.”

Romebi 14:13

Amoso, men shin nɛ an yige kebaawu abar alubi be asheŋ n lɛ. Kusɔ nɛ k daga fanɛ men baa wora e la fanɛ men sa maŋ kaŋ ta shɛŋ shɛŋ ŋ kagle men niopibi kama ekpa nɛ e fiti n tɔr kulubi to.

Romebi 14:21

Nɛ fo nyi fanɛ fo we eblaŋ ko ŋko n nuu nsa ŋko n wora kusɔ kama nɛ k beeŋ shin nɛ fo niopibi e foe ekpa bre, fo ka maŋ wora amo be kekama bɔ.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Kɔlɔsiebi 3:2

Men shin nɛ men be nfɛra e baa wɔ ebɔrɛso be asɔ so, men sa maŋ shin nɛ durnya ere to be asheŋ wurbi e baa wɔ men be nfɛra to.